Superliga-2023. Eng ko'p penalti tepgan klub qaysi? Eng ko'p penalti qaytargan darvozabon kim?
14 dek 2023 17:28
Yangiliklar

Superliga-2023. Eng ko'p penalti tepgan klub qaysi? Eng ko'p penalti qaytargan darvozabon kim?

Teglar : penaltilar Coca-Cola Superligasi

Yakuniga etgan mavsumning statistikalarini berishda davom etamiz. Navbat penaltilarga keldi.

2023 yilgi Superligada hakamlar jami 80ta penalti belgilashdi va undan 61tasi gol bilan yakunlandi.

Eng ko'p penalti tepgan klub OKMK bo'ldi. Olmaliq shahri jamoasi mavsum davomida 9 marta penalti tepish huquqiga ega bo'ldi va 8ta gol urishga erishdi. Ikkinchi o'rinni "Navbahor" egalladi - 8ta penalti va 5ta gol. "Neftchi", "Qizilqum" va "Nasaf" klublari 7tadan penalti tepishdi. "Olimpik" belgilangan barcha penaltilardan gol urgan yagona klub bo'ldi - 6tadan 6ta.

Penaltidan eng ko'p gol ura olmagan klublar "Nasaf" va "Navbahor" - 3tadan.

Penalti tepganlar

Klub	Penalti belgilangan	Penaltidan urilgan gol
OKMK	9	8
Navbahor	8	5
Neftchi	7	6
Qizilqum	7	5
Nasaf	7	4
Olimpik	6	6
Paxtakor	6	5
Surxon	6	5
Turon	6	4
Metallurg	5	4
Bunyodkor	4	3
Andijon	3	2
Buxoro	3	2
So'g'diyona	3	2

Endi klub darvozasiga belgilangan penaltilar haqida malumot beramiz. 2023 yilda Superligada "Qizilqum" darvozasi tomon eng ko'p penalti belgilandi - 11ta. Raqiblar shundan 7tasini golga aylantirishdi. Darvozasiga penaltidan eng ko'p gol urilgan klub "So'g'diyona" bo'ldi - 9ta. Jizzax klubi darvozasiga belgilangan barcha penaltilar gol bilan tugadi.

"Neftchi", "Nasaf" va "Navbahor" darvozalari tomon eng kam 2tadan penalti belgilandi.

Uning darvozasiga tepilgan penaltilar

Klub	Darvozasiga belgilangan penalti	Penaltidan urilgan gol
Qizilqum	11	7
So'g'diyona	9	9
Turon	9	8
Paxtakor	9	6
Metallurg	6	5
Bunyodkor	6	3
Andijon	5	5
OKMK	5	4
Olimpik	5	4
Buxoro	5	3
Surxon	4	2
Neftchi	2	2
Nasaf	2	2
Navbahor	2	1

Penaltini eng ko'p qaytargan darvozabonlar Sanjar Quvvatov ("Paxtakor") va Suhrobjon Sultonov bo'ldi - 3tadan. Javohir Ilyosov ("Qizilqum") va Luka Kukich ("Buxoro") 2tadan penalti qaytarishdi. Artyom Makosin ("Qizilqum"), Akmal Ortiqov ("Metallurg"), Artyom Potapov ("Surxon") va O'tkir Yusupov ("Navbahor") 1 martadan penaltini qaytarishdi.

Rahimjon Davronov ("Turon") qo'riqlayotgan darvoza tomon 9 marta penalti belgilandi va ularning barchasi gol bilan tugadi. Milan Mitrovich ("So'g'diyona") esa 7ta penaltining hech birini qaytara olmadi.

Penaltini eng ko'p tepgan futbolchi Xurshid G'iyosov (OKMK) bo'ldi - 7 marta. Yarim himoyachi penaltidan 6ta gol urdi.

Islom Kenjaboev ("Qizilqum") bu mavsum penaltidan 2 marta gol ura olmagan yagona futbolchi bo'ldi. Yaqinda "Nasaf"ga o'tgan yarim himoyachi mavsum davomida jami 4 marta penalti tepdi.