Sunnatillo Abdullajonov: "Bunyodkor-2"ning maqsadi - Superligaga yosh iqtidorlarni tayyorlab berish"

Futboldagi ilk murabbiyim - Ashurov Sulton aka bo'lganlar, bu murabbiy qo'l ostida 2006-2008 yillarda o'ynaganman. 2009-yilda "Bunyodkor" futbol klubi akademiyasiga o'tib, taniqli murabbiylar Sergey Lushan, Hikmat Ergashev, Murod Otajonovlar qo'l ostida o'z tajribalarimni oshirdim.

Keyinchalik "Bunyodkor" akademiyasini tark etib, "Olmaliq", "NBU-Osiyo", "Andijon" jamoalarida malum muddat o'ynadim. Hozirgi kunda murabbiyim Murod Otajonov taklifiga ko'ra "Bunyodkor-2" jamoasi safidaman.

Jamoamiz V PRO-Ligada o'z oldiga yosh futbolchilarni ko'proq o'yin amaliyoti bilan taminlash hamda kashf etish, Superligaga yosh iqtidor egalarini tayyorlab berish kabi maqsadlarni qo'ygan.

Kelajakdagi maqsadim "Bunyodkor" jamoasining asosiy tarkibida o'ynash, murabbiylarim ishonchini oqlab nasib qilsa milliy terma jamoa safida maydonga tushishdan iborat - deydi Sunnatila Abdullajonov.

Bekzod Tolibov yozib oldi