Suhrob Berdiev uylandi!

“Oq bo'rilar” jamoasining yangi vakili shu kuni rasman bo'ydoqlar safini tark etdi.

Poytaxtimizda joylashga “Katta Qani” tantanalar o'tkaziladigan muhtasham restoranida bo'lib o'tgan nikoh kechasiga ushbu to'y sababchilari – Suhrobjon va uning go'zal rafiqasini qutlash uchun tashrif buyurgan aziz mehmonlar safida mamlakatimiz sporti, shu jumladan futbol olami vakillari ham bor edi. Albatta, bular qatorida “SHo'rtan” jamoasining rahbariyati, murabbiylari va futbolchilari bo'lganligi to'y kechasiga o'zgacha bir yaxshi kayfiyat taqdim etdi.

Biz o'z navbatida “Oq bo'rilar” jamoasining rahbarlari, murabbiylari, futbolchilari va ko'p ming sonli muxlislari nomidan yosh Berdievlar oilasiga baxt, sog'lik-salomatlik, tinchlik-totuvlik, Olloh nasib etib tug'iladigan farzanlariga komillik tilab qolamiz!