Олдинроқ ўйин тугаганидан сўнг Луис Суарес трибунаости йўлида рақиб футболчиларини кутиб, уларни ҳақорат қилгани эълон қилинган эди. Маълум бўлишича, учрашув вақтида Пау Сабата "Барселона" ҳужумчиси Лионель Мессининг оёғини атайин босиб олади.
Бундан ғазабланган аргентиналик ўз норозилигини билдиради ва "Эспаньол"нинг бошқа футболчилари жанжал келиб чиқишига сабаб бўлишади. Кейинроқ Луис Суарес можарони тўхтатиш учун Мессини жанжал ўртасидан олиб чиқиб кетади. Таҳминларга кўра, уругвайлик жамоадоши учун ўч олиш ниятида трибунаости йўлида рақиб футболчиларини ҳақорат қилган.
