Sterling - derbi haqida: "SHeffild"ga qarshi o'yindan farq qilmaydi"

"Derbi doimo katta o'yin bo'lib kelgan. Biroq bu hafta o'rtasida "SHeffild Uensdey"ga qarshi o'tgan o'yindan umuman farq qilmaydi. G'alaba qozonishimiz kerak, biroq bunday bahslarda bu juda qiyin bo'ladi.

"Old Trafford"da g'alaba qozonish oson emas, biroq kurashishda davom etamiz. "Yunayted"ni kuchli to'rtlikdan chiqarib yuborish niyatida emasmiz, maqsadimiz - g'alaba. Bu erda g'alaba doimo ajoyib hissiyotlarni taqdim qiladi.

Ularning tarkibi ajoyib va yaxshi holatda. Mavsum davomida ularda yaxshi o'yinlar bo'ldi. Endi esa jamoa yana oldingi holatiga qaytmoqda. Hozir ular to'g'ri yo'lga tushib olishdi.

"Manchester Yunayted" - shunday jamoaki, istalgan chempionatda o'ynay oladi, shu boisdan koncentraciyani yo'qotmaslik kerak. Bugun biz qarshi hujumlarda ajoyib o'ynaydigan jamoa bilan bahslashishimizni bilamiz. Bunga tayyormiz", - dedi Sterling.