Sport TVdan ajoyib yangilik

Bugungi kunda sport musobaqalari, ayniqsa futbol uchrashuvlari teletranslyaciyasida kichik detallarni ham ekranga sifatli holatda olib chiqish muhim sanaladi. Bunda super sekinlashtirilgan kadrlarni tasvirga olish imkoniyatiga ega telekameralardan foydalaniladi.

O'zMTRK AQSHning “Grass Valley, a Belden Brand” va Kanadaning “ROSS VIDEO” kompaniyalari bilan hamkorlikda yangi teletexnalogiyalarni sport translyaciyalariga tatbiq qilishni rejalashtirmoqda. Superliga 2–turidan o'rin olgan “Bunyodkor” – “Paxtakor” uchrashuvida shu jarayonning kichik ko'rinishi taqdim etilgan edi.

Bugun bo'lib o'tadigan OCHL 4-turidan o'rin olgan “Lokomotiv” - “Al Duhayl” o'rtasidagi bahs teletranslyaciyasida O'zMTRK “Sport” teleradiokanali va AQSHning “Grass Valley, a Belden Brand” kompaniyasi xodimlari hamkorlikda super sekinlashtirilgan kadrlarni tasvirga olish imkoniyatiga ega telekameralardan foydalanishadi.

"Endilikda futbol muxlislari nafaqat uchrashuv jarayonini, qo'shimchasiga futbolchilar va murabbiylarning ehtirosga to'la nigohlari, harakatlarini super sekinlashtirilgan kadrlarda tomosha qilishlari mumkin bo'ladi. “Sport” TV futbolning bor jozibasini muxlislarga etkazishni maqsad qilgan!", - deyiladi telekanal xodimlari bizga bergan malumotda.