"So'g'diyona"ga yo yangi murabbiy keladi yo Davron Fayziev qaytadi

Jizzaxliklar hozircha ikkinchi davraga hozirlikni Jizzaxda bosh murabbiysiz olib borishmoqda. Jamoa ertaga birinchi liga vakili "Zomin"ga qarshi o'rtoqlik uchrashuvini o'tkazadi. 

"So'g'diyona" bu mavsum birinchi davrada 17 ochko jamg'ardi va hozircha 13-o'rinni egallab turibdi. Jamoa oxirgi ikkita uchrashuvda mag'lub bo'lganidan keyin bosh murabbiy Davron Fayziev ishdan bo'shatildi. 

SHundan beri futbolchilar bosh murabbiysiz mashg'ulot o'tkazib kelishmoqda. Mashg'ulotlarni olib borayotgan Diyor Fayzievda (Davron Fayzievning akasi) tegishli licenziya bo'lmagani uchun bosh murabbiy bo'lib ishlay olmaydi. U faqat yordamchi bo'lishi mumkin. 

Bizga etib kelgan gap-so'zlarga qaraganda klub rahbariyati ikkita murabbiyga taklif bilan chiqqan, biroq hozircha aniq javob olmagan. Lekin tez orada yangi bosh murabbiy kelishi kutilyapti, ammo aynan kim kelishi nomalum. Bu - futbol va unda hamma narsa bo'lishi mumkin, shu bois yangi murabbiy topilmagan taqdirda Davron Fayzievning o'zi "So'g'diyona"ga qaytishi mumkin.

X.Xoliqov