"So'g'diyona": Taqdimot marosimi o'tkazildi

Tadbirning dastlabki qismida Jizzax viloyati futbol federaciyasi vice-prezidenti Ergash O'rinov so'z olib, barchani milliy chempionatimizning boshlanayotganligi bilan tabrikladi va omad tiladi. Jamoa bosh murabbiyi Davron Fayziev qishki yig'inlar va jamoa oldiga qo'yilgan vazifalar haqida qisqacha to'xtalib o'tdi. SHundan so'ng jamoaga taklif etilgan futbolchilar tanishtirilib, ularga mavsumda harakat qiladigan raqamlari tushirilgan liboslar taqdim etildi. Jamoaning asosiy darvozaboni Mixail Naumov (“Nasaf” jamoasidan taklif etilgan) - 1, ikkinchi darvozabon Mixail Spiridonov – 31 (“NBU-Osiyo”), himoyachilar Akbar Sattaev – 5 (“Navbahor), Saydullo Raxmatov – 22 (“Neftchi”), yarimhimochilar Elyor Jahonov – 13 (“Navbahor”), Muzaffar Muzaffarov – 17 (“Neftchi”), Sanjar Rihsiboev – 28 (“Bunyodkor”), Muqim Toshmatov – 40 (“SHo'rtan”), Azatov Al-Salamu – 37, hujumchi Anvar Rajabov – 9 (“Buxoro”) raqamlarda to'p surishadigan bo'ldi.

Tadbirning ikkinchi qismida E.O'rinov va D.Fayzievlar OAV vakillari tomonidan berilgan savollarga javoblar berishdi. Savol-javoblar davomida asosan “So'g'diyona”ning oldingi mavqeini tiklash, jamoa akademiyasini ochish va uni to'g'ri yo'lga qo'yish, moliyaviy ahvol, yangi stadion, ushbu masumda jamoa oldiga qo'yilgan vazifalar haqida ko'proq muhokamalar bo'ldi.

Quyida ushbu tadbirdagi fotolavhalar bilan tanishishingiz mumkin.