"So'g'diyona" 14 yillik tanaffusdan so'ng "Nasaf"ni safarda mag'lub etdi
30 apr 2018 22:40
Yangiliklar

"So'g'diyona" 14 yillik tanaffusdan so'ng "Nasaf"ni safarda mag'lub etdi

Superliganing 9-turida "Nasaf" o'z uyida "So'g'diyona"ni qabul qildi.

Bugunga qadar ushbu jamoalar o'rtasidagi oxirgi 14ta o'yinning barchasida (safarda ham, uyda ham) "Nasaf" g'alaba qozongan edi. Yani "So'g'diyona" oxirgi marta 2008 yilgi mavsumda Qarshi jamoasini taslim qilgandi.

Faqat Qarshidagi o'yinlarni inobatga olsak so'nggi bor "So'g'diyona" 2004 yilda "Nasaf"ni safarda mag'lub eta olgandi. O'sha g'alabadan keyin "So'g'diyona" Qarshida 10ta o'yin o'tkazgan va 10 marta mag'lubiyat alamini totib ko'rgandi.

Bugun yuqoridagi ikkala anana barham topdi.

"Nasaf" ushbu mavsum Superligada mag'lub bo'lgan eng so'nggi klub bo'ldi. Endi Superligadagi barcha klublarda kamida bitta bo'lsa ham mag'lubiyat bor.