Skaloni : "Enco chetlatilganidan keyin ham Argentina bosimni davom ettirdi. Jamoa kuchini tekshirish uchun juda yaxshi imtihon bo'ldi"

Argentina terma jamoasi 2026 yilgi JCH saralash bahsida Kolumbiya bilan durang o'ynadi (1:1). 70-daqiqada yarim himoyachi Enco Fernandes chetlatildi.

O'yin haqida

"Biz doimo uch yarim himoyachi bilan o'ynaymiz, hech narsani o'zgartirmadik, lekin raqib kuchli ekanini tan olish kerak. Ular uchun bu o'yin muhim edi va ular o'z o'yinlarini namoyish qilishiga urinishdi.

Birinchi taymda o'z ritmimizni topa olmadik. Futbol faqat yaxshi o'yindan iborat emas, ikkinchi taymda jamoa kerakli impulsni topdi.

Enco chetlatilganidan keyin ham biz bosimni davom ettirdik. Bu jamoa kuchini tekshirish uchun juda yaxshi imtihon bo'ldi".

Messini 78-daqiqada almashtirish haqida

"Boshda Leo maydonni tark etishni rejalashtirmagan edi. Keyin biz ikkitalik almashtirishga tayyorgarlik ko'rayotganimizni ko'rib, u menga chiqishini aytdi. Natijada biz maydonni tark etgan o'yinchini almashtirdik".

Raqib haqida

"Men Luis Diasni futbolchi sifatida juda qadrlayman. Men unga o'sha paytda nima o'ylaganimni aytdim. Uni tabriklaganim sabab, u haqiqiy yulduz", – dedi Argentina bosh murabbiyi Skaloni.