Sirojiddin Rahmatullaev: "Birinchi liga jamoamizda ishtiyoq haddan tashqari ko'p edi"

"Mashal-2" jamoasi kubok bahsiga har qachongidan ham ko'proq ishtiroq bilan tayyorlangan ekan. Buni maydonda o'yini ham ko'rsatdi. Ular o'yinda bor kuchi bilan oxirgi daqiqagacha harakat qilishdi. Biz aynan shunday o'yin kutgan edik. Boshqa birinchi liga jamoasi bo'lganida osonroq g'alaba qozonsa bo'lar edi lekin "Mashal-2"ni ishtiyoqi o'yindan ko'rindi. Omad har ikki jamoadan ham yuz o'girdi. Bir necha bor qulay imkoniyatlar bo'ldi lekin hech bir jamoa foydalana olmadi.

O'zimga kelsak , bu mavsumdagi birinchi rasmiy o'yinim bo'ldi. SHu bois harakatlarimdan to'liq qoniqmadim. CHempionatda ikki turda faqatgina zaxirada qolganim bois bu o'yinda amaliyot etishmadi. Penaltini amalga oshira olmadim ? Eng kuchli futbolchilar ham penaltidan aniq foydalana olmagan. Bu shunchaki omadsizlik. Kimgadir omad keladi, kimgadir esa yo'q. Endi chempionat bahslarida ham maydonga tushib o'zimni o'yinimni ko'rsatmoqchiman", - deydi Sirojiddin Rahmatullaev o'yin haqida.