"Sirdaryo FA" bosh murabbiyi: "Kubok o'yinlari biz uchun tajriba maktabi bo'layapti"
19 apr 2024 21:40
Yangiliklar

"Sirdaryo FA" bosh murabbiyi: "Kubok o'yinlari biz uchun tajriba maktabi bo'layapti"

O'zbekiston kubogining 2-turidan o'rin olgan "Sirdaryo FA" - "Neftchi" (1:5) uchrashuvidan so'ng mezbonlar bosh murabbiyi Bahodir Xakimqulov matbuot anjumanida ishtirok etdi.

O'yin haqida

- Kubok o'yinlari biz uchun tajriba maktabi bo'layapti. O'tgan turda "Metallurg" bilan o'ynagandik. Bugun "Neftchi"ga qarshi maydonga chiqdik. Farg'ona klubiga qarshi o'yinda gol urishga ham erishdik, yigitlarda o'ziga bo'lgan ishonch kayfiyati shakllanib borayapti. "Neftchi" jamoasini g'alaba bilan tabriklayman.

- Superliga jamoalariga qarshi o'yinlar jamoa uchun qanchalik tajriba bo'ladi?

- Katta tajriba olayapmiz. Kuchli jamoalarga qarshi o'yinlarda jamoa toblanadi. Bor etiborimizni Birinchi ligaga qaratamiz. Endilikda chempionat o'yinlarida biz o'ylagan taktikalar bemalol amalga oshadi, anchayin tajriba to'pladik.

- Bekzod Tolibjonov o'yin qaydnomasiga kiritilmayotganiga sabab nima?

- Bekzod Tolibjonov "Bunyodkor"ga qarshi o'yindan so'ng 4 ta o'yinga chetlatilgandi. Bugungi o'yin u uchun diskvalifikaciyadagi oxirgisi bo'ldi. Navbatdagi turdan boshlab bizga yordam bera oladi.

Havola :

Manba : championat.asia

Yangiliklarni Telegramda o'qing!

Reyting: +2