Sin Kxo: "Bu muxlislar jangi bo'ladi"

Bu gaplar, Janubiy Koreya nashrlaridan birida fotomuxbir sifatida faoliyat olib borayotgan hamkasbimiz, Sin Kxoga tegishli. U bilan Iordaniya - Yaponiya terma jamoalari o'rtasida bo'lib o'tayotgan uchrashuvda ikki og'iz suhbatlashdik.

"SHuni takidlashim lozim, bizning muxlislar ham chakki emas. Son jihatidan biroz ustunmiz. Biz doimo yaponlar bilan raqobatlashamiz. Muxlislarimiz ham ulardan qolishishni istashmaydi. So'nggi yillarda Xitoy ham safimizdan joy ola boshladi. Umuman olganda stadiondagi atmosfera futbolchilarning ruxiyatiga tasir o'tkazadi", - deydi hamkasbimiz.

O'yin borasida uning fikrlari ancha kamtarona bo'ldi:
- Oxirgi 4 yil terma jamoangizda katta o'sish bo'ldi. Sizlardan yuz o'girgan omad bizga kulib boqdi va biz JCHga chiqdik. Ertangi o'yindagi g'alabani bizdan ko'ra ko'proq sizning futbolchilaringiz istashlari tabiiy. Hozir hech bir o'yinni terma jamoamizga osonlik bilan yutmayapti. U davrlar ortda qoldi. Mana birgalikda ko'rib turgan o'yinimizda ham Iordaniya juda yaxshi harakat qilyapti. Bu terma jamoani bizdan ko'ra yaxshiroq bilasiz. Garchand, yaponlar turnir favoriti bo'lsada, hozir ularga oson bo'lmayapti.