Siavash Haqnazari: "Bizga kim raqib bo'lishining farqi yo'q, o'zimizning aniq maqsadimiz bor"
31 avg 16:45
Yangiliklar

Siavash Haqnazari: "Bizga kim raqib bo'lishining farqi yo'q, o'zimizning aniq maqsadimiz bor"

"Navbahor" futbolchisi Siavash Haqnazari "Paxtakor"ga qarshi kechgan yarim final bahsidan so'ng o'yin haqidagi fikrlari bilan bo'lishdi.

- Bugungi uchrashuv haqidagi fikrlaringiz bilan bo'lishsangiz?

- Birinchi navbatda butun jamoani, jamoa prezidentini, hokimni va muxlislarimizni bugungi g'alaba bilan tabriklayman. Mavsum boshidanoq ushbu maqsad sari qadam tashlab kelmoqdamiz. G'alabaga loyiq edik deb o'ylayman, sababi biz bir kishi kam bo'lib harakatlandik. Hali xursand bo'lishga erta sababi oldinda final uchrashuvi bor. Ertadan boshlab final haqida o'ylashni boshlaymiz.

- Final haqida nimalar deya olasiz? "Andijon"ga qarshi o'ynash oson emas.

- Bizga kim raqib bo'lishining farqi yo'q. Bizda aniq maqsad bor. CHempion bo'lishimiz uchun borimizni beramiz.

- "Navbahor" bugungi uchrashuvda "Paxtakor"dan o'yinning qaysi jabhalarida ustunroq bo'ldi deb o'ylaysiz?

- Bunday o'yinlarda 90 daqiqadan so'ng futbol sifati emas, xohish va ishtiyoq asosiy planga chiqadi. Siz qanchalik g'alaba qozonishni istayotgan bo'lishingiz kerak.

- Eron JCH-2026 uchinchi saralash bosqichini boshlash arafasida turibdi, Qirg'iziston va BAAga qarshi kechadigan uchrashuvlar haqida fikr bildirib o'tsangiz?

- Terma jamoamiz yaxshi holatda. Barchasi yaxshi. Terma jamoamiz bu safar ham Eron xalqini xursand qila olishiga ishonaman.