SHuhrat Muhammadiev “Mashal”ga qaytdi

“Mashal” rahbariyati 2012 yil jamoa oliy ligadan tushib ketgach, Muhammadievni “Nasaf”ga ijaraga bergandi. Natijada tezkor futbolchining ijara muddati yakuniga etib, yana muborakliklar safiga qaytdi.

Bu haqda “Mashal” bosh direktori Ilhom Qurbonov shunday dedi: “Klubimiz tarbiyalanuvchisi SHuhrat Muhammadiev yana safimizga qaytdi. Uning amaldagi shartnomasi shu yilning 1 dekabrida tugaydi, lekin futbolchi bilan yana ikki yilga mo'ljallangan shartnoma tuzdik. SHuhratning o'zi bilan gaplashganimizda faoliyatini “Nasaf”da davom ettirish niyati borligini malum qildi, ammo u o'zimizga ham kerak. CHunki kelasi yil oliy ligada bizga ham yaxshi o'yinchilar zarur bo'ladi”.

SHuni aytib o'tish lozim, “Nasaf” SHuhrat Muhammadievni to'liq qo'lga kiritishni xohlamoqda va bu borada muzokara olib borishga tayyor. Qolaversa, futbolchining o'zi ham Qarshida to'p surmoqchi. Balki, keyinchalik tomonlar transfer borasida o'zaro kelishib olishlari mumkin. Eslatib o'tamiz, bu mavsum Muhammadiev oliy ligada 16ta o'yinda maydonga tushib, 2ta gol urdi.