SHuhrat Maqsudov: "Farruh Ikromovning jarohati bilan bog'liq xarajatlarni O'FA qopladi"

"Bugun og'ir va qiyin o'yin bo'lishini avvalgi turdan keyin tushunib etgandim. CHunki "Nasaf"ga qarshi bahsdan so'ng 3 ta asosiy futbolchimiz qatnasha olmasligi aniq bo'ldi. Mirjahon Mirahmadov jarohat oldi. SHuningdek, aynan 3 ta sariq kartochkasi bor futbolchilarimizga sariq kartochka berishdi. Tarkibga ko'p yosh futbolchilarni jalb qilishga majbur bo'ldik. Men yoshlarga imkoniyat berishni yaxshi ko'raman. Futbolchilarimizga katta rahmat aytaman. Irodali o'yin ko'rsatishdi. Golli vaziyatni qayta ko'rishim kerak. Hozir biror narsa deya olmayman. Lekin televizorda ko'rganlar telefon qilib aytishdi. O'sha vaziyatda qaytanga bizning futbolchimizga nisbatan qo'pollik ishlatilgan ekan. Hakamlarni gapirishga haqqim yo'q, chunki nazoratchi emasman. Insof bersin, deyishdan boshqa choram yo'q", – deydi SHuhrat Maqsudov.

- Nurillo To'xtasinovning ahvoli qanday? Majburiy o'zgarish o'yinga qay darajada tasir qildi? 

- Uchrashuv boshidan besh nafar asosiy futbolchilarmizsiz o'ynadik. Umid qilamanki, hammasi yaxshi bo'ladi. Ertaga tibbiy ko'rikdan so'ng hammasi aniqlashadi. Jarohatlangan o'yinchilaririmiz ko'payib ketdi. Oldindagi tanaffusda tiklanib olishadi, deb o'ylayman. 

- Farruh Ikromov yaqinda jarrohlik amaliyotini o'tadi. Uning xarajatlarini klub bo'yniga oldimi yoki O'FA? 

- Yaxshi savol berdingiz. Fursatdan foydalanib, O'FA rahbarlariga katta minnatdorchilik bildirmoqchiman. Bu narsani etiborsiz qoldirishmadi. Hattoki bosh murabbiy Srechko Katanec va O'FA birinchi vice-prezidenti Ravshan Ermatov hol-ahvol so'ragani uning uyiga borishdi. Klubdagilar, qolaversa, o'zim ham har kuni u bilan aloqadaman. Bu xarajatlarning barchasini O'FA ko'tardi. Etibor degani, shunday bo'ladi. Baribir futbolchining faoliyati qisqa. Bunday etibor bo'lib tursa, futbolchi ko'chada qolmaydi. 

- Turnir jadvalida 2-3-o'rinlar uchun raqobat keskin kechyapti. "Bunyodkor"ning imkoniyatini qanday baholaysiz?

- Bu – futbol. Bilib bo'lmaydi. Hamma narsa bo'lishi mumkin. Agar bilganimda, hozir asabiylashmasdan, xotirjam o'tirgan bo'lardim. Xudo biladi hammasini. 

- Rahbariyat oldingizga aniq vazifa qo'yganmi?

- Xudoga shukur, rahbariyat barchasini tushunib turibdi. Bosim bo'layotgani yo'q. Biroq "Bunyodkor"ning o'z nomi bor. Maqsadimiz — har bir o'yinda g'alaba qozonish va imkon qadar sovrindorlar qatoriga kirish. Xudo xohlasa, muxlislarga yoqadigan futbol ko'rsatamiz. Natija esa oxirida bilinadi. Ayni paytda barcha jamoalar ochko uchun kurashishmoqda.