SHri-Lanka bosh murabbiyi: "Muammolarimiz etarlicha, biroq bularni bahona qilmoqchi emasman"

"Uchrashuv qiyin ruhda o'tdi. Jamoa sardori, eng yaxshi darvozabonimizdan ayrilganmiz yomon bo'ldi. U diskvalifikaciyaga uchradi. Maldiv orollari jamoasida legioner futbolchilar ko'pchilikni tashkil etadi, bizda esa atigi bir nafar xorijdan to'p tepadigan o'yinchi mavjud. Qolaversa, mamlakatda kuzatilayotgan iqtisodiy muammolar ham mag'lubiyatimizga sabablardan biri bo'ldi. Biroq bularni bahona qilmoqchi emasman", – dedi murabbiy.

- Muvaffaqiyatsiz natijalardan so'ng murabbiylik ishingizni qanday baholaysiz?

- Albatta, bundan qoniqmayman. Tarkibni to'liq shakllantirishda muammolar yuzaga keldi. Endilikda jarohatlangan futbolchilarlarni safga qaytarib, o'z ishimizda davom etamiz. 

- Turnir davomida qaysi jamoa sizda yaxshi taassurot qoldirdi?

- Albatta, O'zbekistonning o'yinini yuqori baholayman. Ular kuchli tarkibga ega.

- Tashkilotchilik haqida qanday fikrdasiz?

- O'zbekistonda bizga yordamini ayamagan barcha-barchaga rahmat aytaman. Barcha ishlar yaxshi darajada tashkillashtirildi. Qolaversa, OAV ham musobaqani faol tarzda yoritib bordi.