SHota Arveladze: "Paxtakor" xarakter ko'rsatdi, Xavi esa master, futbol afsonasi"

"Ajoyib futbol kechasi bo'ldi, minglab muxlislar, ajoyib ob-havo. Biz futbolni yaxshi ko'radigan jamoaga qarshi o'ynadik. SHunday jamoaga qarshi o'ynash doim ajoyib. O'ylashimcha biz ham klass namoyish etdik. Yuqori saviyada o'ynay olishimizga ishonish kerak.
Bugun biz xarakter ham namoyish qildik. Ikki marta hisobda ortda qolib hisobni tenglashtira oldik. Yigitlar tezkor o'yin namoyish etishdi. Umuman olganda yaxshi o'yin bo'ldi.

Ha, raqib safida jahon yulduzlari o'ynashdi. Ammo ular bilan tengma-teng o'ynashimizga o'zimiz ishonishimiz kerak. G'alaba qozonishni o'rganish lozim. O'zbek xalqi ochiq va hujumkor o'yinni yaxshi ko'radi. Bu bizning uslubimiz va ko'plab hujum qilib g'alaba qozonishimiz kerak.

Albatta tezkor gol o'tkazganimiz doim tasir qiladi. Xavi master, futbol afsonasi. Unga yarim metr bo'sh joy qoldirsangiz etarli ekanini ko'rdik.

Eldor Suyunovning jarohati tuzaldi. SHifokorlar uni imkon qadar tez tayyorlashga harakat qilishdi. U yoshlar ligasida uchta o'yinda maydonga tushdi va biz bilan birga mashg'ulotlarda ishlamoqda. Suyunov o'yin ritmiga kirib olishi kerak. O'tkazib yuborilgan gollarda esa Quvvtovni ayblamagan bo'lardim. Xavi Kasilyas va boshqa kuchli darvozabonlarga ham gol urgan. Bu erda mahorat o'z so'zini aytdi", - deydi SHota Arveladze.