SHota Arveladze: "Maydon holati yaxshi o'ynashimizga imkon bermadi"
15 may 2018 21:27
Yangiliklar

SHota Arveladze: "Maydon holati yaxshi o'ynashimizga imkon bermadi"

Superliganing 12-turidan o'rin olgan "So'g'diyona"ga qarshi o'yindan so'ng "Paxtakor" ustozi va jamoa safida eng yaxshi deb topilgan Akmal SHorahmedov o'z fikrlarini bildirdi.

SHota Arveladze: - Maydon holati yaxshi o'ynashimizga imkon bermadi. Uchrashuv juda qiyin kechdi. Biz har doim o'zimiz xohlagandek futbol o'ynashni istaymiz. Bugun shunga urindik. O'yindagi intizom va intilish menga maqul keldi. Og'ir bellashuvlarda g'alaba qozonish juda ham muhim.

Yaxshiroq o'yin namoyish etishga intilishda davom etamiz.

Akmal SHorahmedov: - Yaxshi futbol ko'rsatish uchun birinchi navbatda maydonni yaxshi holatga keltirish lozim. Mezbonlar oxirgi pog'onalarda ketishayotgani sababli bor kuchlarini ishga solishmoqda. Peshqadamlarga qarshi uchrashuvlarda o'zlarini ko'rsatishga harakat qilishadi. SHu sababli o'yin og'ir kechdi.

Maydon holati yaxshiroq bo'lganda bemalol chiroyliroq futbol ko'rsata olardik.