SHota Arveladze: "Bugun Jizzaxdagi o'yinga qaraganda 16,5 daqiqa ko'proq futbol o'ynadik"

"Birinchi navbatda stadion xodimlariga katta rahmat aytmoqchiman. Karantin vaqtida ham xodimlar stadion maysasini ideal tarzda parvarishlashdi. Agar maydonda ko'p vaqt futbol o'ynalmasa maysa o'z-o'zidan yaxshi bo'ladi degan fikr xato.

Jizzaxdagi o'yin bilan taqqoslaganda bugun 16,5 daqiqa ko'proq futbol o'ynadik. Bu "Bunyodkor" futbol o'ynashni xush ko'radigan jamoa ekanligini anglatadi. Jizzaxda 98 daqiqadan 40 daqiqasi toza o'yin vaqti bo'lgandi. Bugun esa bu narsa 56,5 daqiqaga teng bo'ldi. Yomon o'ynaysanmi yoki yaxshi o'ynaysanmi futbol o'ynashga harakat qilish kerak.

Derbi, mag'lubiyatdan keyin juda muhim o'yin edi. Ilk daqiqada gol urdik, 1:0 hisobi vaqtida Suyunov bizni qutqardi, umuman olganda rahmat ayta olaman. Oldingi mag'lubiyatdan keyin yaxshi o'ynadik.

Derdiyok va Sergeev? Katta tanaffusdan keyin yigitlar yana boshidan jismoniy va ruhiy formaga kirib borishmoqda. Igor Sergeev doim ajoyib darajada o'ynaydi, u maydonga tushishga loyiq ekanligini mashg'ulotlarda ham isbotlaydi. Bugungi kunda tarkibda rotatciya amalga oshirish imkoniyatiga egamiz.

Masharipov va "Trabzonspor"? Men mish-mishlar haqida fikr bildirmayman. Rasman bizda hech nima yo'q", - deydi SHota Arveladze.