"SHo'rtan" yangi mavsumga tayyorgarlikni boshladi
07 fev 2020 17:53
Yangiliklar
![](https://championat.asia/upload/storage/543861_original.jpg)
![](/upload/storage/543861_220.jpg)
"SHo'rtan" yangi mavsumga tayyorgarlikni boshladi
“Oq bo'rilar” G'uzordagi o'z qarorgohlarida jam bo'lishdi. Ilk o'quv-yig'in tayyorgarligi Asror Aliqulov bosh murabbiyligida o'tmoqda. Tarkibga o'tgan yili faoliyat ko'rsatgan Akmal Rahimov, Nurali Padarov, Jasur Xolto'raev, Laziz Ubaydullaev, Samandar SHodmonov, Xolmurod Xolmurodov, Islom Boysariev kabi futbolchilar bilan bir qatorda yosh va istedodli mahalliy yigitlar ham taklif qilingan.
Voqealar rivoji, yig'in davomidagi yangiliklar haqida navbat bilan batafsil malumotlar berib boramiz.
Mavzuimiz yakunida esa muxlislarga quyidagi malumotni etkazib qo'yishni joiz bildik. Bu yildan boshlab, Superligadan keyingi ligalarda futbol bo'yicha o'tadigan musobaqalar quyidagicha nomlanadigan bo'ldi. Endilikda, PRO-Ligada “A” va “V” guruhi atamalari ishlatilmaydi. Futbolimizning yuqori elitasiga chiqishga davogar 8 ta jamoa PRO-Liga bahslarida ishtirok etishadi. O'yinlar avvalgi yilgi tizimda bo'lganidek, yani to'rt davrada o'tadi. “Dinamo” (Samarqand), “Istiqlol” (Farg'ona), “Oq-tepa” (Toshkent), “Neftchi” (Farg'ona), “SHo'rtan” (G'uzor), “Xorazm” (Urganch), “Turon” (Yaypan, Farg'ona viloyati) hamda “Zomin” (Zomin) jamoalari bir mavsum davomida to'rt bor bir birlari bilan o'zaro kuch sinashishadi va g'olibni aniqlashadi.
PRO-Ligada ikkinchi o'rinni egallagan jamoa esa Superliganing 13 pog'onadagi klubi bilan bir uchrashuvdan iborat pley-off o'yinida maydonga tushadi. Uchrashuv PRO-Liga jamoasi maydonida o'tkaziladi. Zafar quchgan jamoa 2021 yili Superligada qatnashish huquqini qo'lga kiritadi.
PRO-Liga jamoalari mavsum davomida O'z.PFLning Liga Kubogi musobaqasida ham ishtirok etishadi. Bundan tashqari har bir klub qoshida o'smirlarning U-18 jamoasi ham faoliyat ko'rsatishi majburiy qilib belgilandi. Endilikda, asosiy tarkib jamoalari uchrashuvidan bir kun avval, yoshlar ishtirokidagi bahslar ham bo'lib o'tadi.
“V” guruhining nomi esa Birinchi liga deb o'zgartirildi.
“SHo'rtan” matbuot bo'limi.
O’xshash yangiliklar
![AMP Logo](https://championat.asia/image/logo-amp.png)
Fikrlar