“SHo'rtan” oldiga elitaga qaytish vazifasi qo'yildi

Klub matbuot xizmatining “SA”ga xabar berishicha, kuni-kecha jamoaning Qarshidagi ofisida klub rahbarlari, homiylar va barcha ishchi xodimlar o'rtasida yig'ilish bo'lib o'tdi.

Bundan ko'zlangan maqsad jamoaning ortda qolgan mavsumdagi ishtirokini taxlil qilib, undan to'g'ri xulosa chiqarib olish edi.
SHuningdek yig'ilishda “SHo'rtan”ning yana avvalgi qaddini rostlash joizligi alohida takidlandi. Bu borada bosh xomiy “SHo'rtanneftgaz” mavsum mobaynida moliyaviy muammolar bo'lmasligini ham alohida takidladi.

Klub rahbariyati ham o'z navbatida jamoaning yana oliy ligaga qaytarish uchun bor kuch bilan ishlashini aytib o'tdi.  SHu tariqa “SHo'rtan”ning oldiga aniq maqsad va vazifalar qo'yildi.
Bo'lib o'tgan yig'ilishda bosh murabbiy masalasi ham ko'rib chiqildi va joriy yil klubni Muxtor Qurbonov boshqaradigan bo'ldi.
Bu bejiz emas albatta. Boisi Qurbonov ilgari futbolchilik davrida ham “SHo'rtan” sharafini himoya qilgandi. Qolaversa murabbiylik chog'ida ham jamoada assisent sifatida faoliyat yuritgan. Qisqasi “SHo'rtan” uchun begona emas va klubning xolatidan xabardor.

Yangi bosh murabbiyga kimlar yordam berishi hozircha rasman tasdiqlangani yo'q. Jamoa esa yig'inni 7 yanvardan boshlaydigan bo'ldi.  Aynan ushbu yig'in davomida tarkibda ham o'zgarishlar qilinadi.

Rahbariyat va murabbiylar shtabi o'zaro kelishgan xolda, asosiy tarkibning o'zagi saqlanib qolinishiga kelishib olindi. SHu bois imkon o'sib kelayotgan yosh iqtidorli o'yinchilar bilan bir qatorda mahoratli futbolchilarni ham jamoada olib qolish choralari ko'rib chiqilmoqda.