SHerzod Esanov: "Katta rejalarim bor, ularni bosqichma-bosqich amalga oshiraman"
16 avg 22:16
Yangiliklar
![](https://championat.asia/upload/storage/799002_original.jpg)
![](/upload/storage/799002_220.jpg)
SHerzod Esanov: "Katta rejalarim bor, ularni bosqichma-bosqich amalga oshiraman"
- Yangi jamoaga va Rossiyadagi hayotga moslashish qanday kechmoqda? Ko'chib o'tishda muammolar bo'lmadimi?
- Assalomu alaykum. Hammasi joyida. Asta-sekin yangi sharoitga ko'nikib boryapman. Klubga moslashishim yaxshi ketayotgandek. Ko'chib kelishga kelsak, bu borada hech qanday muammoga duch kelganim yo'q.
- Jamoa, murabbiylar shtabi va xodimlar sizni qanday kutib olishdi?
- Meni juda samimiy kutib olishdi. Buning uchun ularga minnatdorchilik bildirmoqchiman.
- O'zbekiston va Rossiya futboli o'rtasidagi farqni his qilishga ulgurdingizmi? Ikki mamlakat futbolida qanday farqlarni sezdingiz?
- Albatta, farq bor. Barcha ligalar nimasi bilandir boshqalardan farq qiladi. O'ylaymanki, Rossiya Premer-ligasida futbol Superligaga nisbatan jismoniy jihatdan kuchliroq.
- "Akron"dagi futbolchilarim bilan do'stlashib ketishga ulgurdingizmi?
- Men barcha futbolchilar bilan yaxshi munosabatdaman. Jamoamizda juda yaxshi va iliq muhit mavjud.
- "Andijon"da o'rgangan qaysi jihat "Akron" jamoasida qo'l kelmoqda?
- "Andijon"da ko'p narsani o'rgandim. U erda professional faoliyatim boshlandi. "Andijon"da boshimdan kechirganlarim mening rivojlanishimga ijobiy tasir ko'rsatgani aniq.
- Yangi klubda va Rossiya chempionatida o'z oldingizga qanday maqsadlarni qo'ydingiz?
- Malum bir maqsadsiz futbolchiga o'ynash qiyin. Mening katta rejalarim va maqsadlarim bor, ularni bosqichma-bosqich, qadam-baqadam amalga oshiraman.
- "Andijon"ning o'yinlarini kuzatib borasizmi?
- Ha, albatta, kuzataman. Klub uchun qayg'uryapman. Umid qilamanki, ular O'zbekiston kubogini qo'lga kiritishadi.
- Faoliyatingizni kuzatishda davom etayotgan o'zbek muxlislariga tilaklaringiz?
- Menga g'amxo'rlik qilayotgan barchaga rahmat aytmoqchiman. Men buni his qilaman va bu meni ishlashni davom ettirishga undaydi.Meni qo'llab-quvvatlayotgan va g'amxo'rlik qilayotgan oilam va yaqinlarimga ham rahmat aytmoqchiman.
Emil Bekmuhamedov suhbatlashdi
O’xshash yangiliklar
![AMP Logo](https://championat.asia/image/logo-amp.png)
Fikrlar