SHerzod Esanov: "Andijon"da har tomonlama o'sishga erishdim"

"Faoliyatimda katta futbolga qadam qo'yishni "Andijon"dan boshladim. O'ylaymanki, bu erdagi bir yarim yillik mavsum men uchun har tomonlama yaxshi bo'ldi. 

"Andijon"dagi atmosfera ajoyib edi va u erdagi hamma narsa menga yoqdi, xuddi o'zim o'ylagandek. SHu fursatdan foydalanib, "Andijon" klubi rahbariyati, murabbiylari, futbolchilari, oshpazlari, jamoa xodimlari hammaga katta rahmat aytmoqchiman.

Rejamda ketish yo'q edi. "Andijon"ga ancha o'rganib qolgandim. Lekin menga taklif bo'ldi va bu haqda uydagilar bilan maslahatlashdim, o'rganib chiqqanimizdan so'ng bu chaqiruvga rozi bo'ldim. Baribir qachondir shunday bo'lishi kerak edi. Biroq yana qaytaraman: "Andijon"ga ancha o'rganib qolgandim va bu o'zim yoqtirgan jamoa edi. Muxlislari esa juda ajoyib. Bu erdagi bir yarim yillik faoliyatim juda yaxshi o'tdi, har tomonlama o'sishga erishdim. Tajriba orttirishga erishdim. Murabbiylardan, katta futbolchilardan ko'p narsa o'rgandim. Xullas, "Andijon"dagi faoliyatim zo'r o'tdi. Hammasi uchun rahmat aytmoqchiman. Ikkinchi davra jamoaga omad tilab qolaman", – dedi futbolchi.

20 yoshli Esanov "Andijon" tarkibida 5 ta o'yin o'tkazdi.