"SHerdor" yangi mavsumga tayyorgarlikni boshlab yubordi

Mashg'ulotlar kuniga ikki mahaldan bo'lib o'tmoqda. Futbolchilar bosh murabbiy Baxtiyor Sattorov tomonidan ishlab chiqilgan reja bo'yicha tayyorgarlikni olib borishmoqda.

- Jamoamiz o'z oldiga jiddiy maqsadlarni qo'ygan. SHu boisdan ham yangi mavsumga tayyorgarlik ishlarini allaqachon boshlab yuborganmiz. Ayni paytda PFL tomonidan qo'yilgan talablarni bajarmoqdamiz. Xususan, futzal bo'yicha "SHerdor" jamoasini tashkil qildik. Hozirda bu jamoa O'zbekiston Kubogi musobaqasida ishtirok etmoqda, - deydi Baxtiyor Sattorov.

Jamoa rahbariyati o'zining futbol akademiyasini tashkil etish arafasida. Hozir bu borada ishlar olib bormoqda.

- Biz viloyatimizda futbolni rivojlantirish, yoshlarni bo'sh vaqtlaridan unumli foydalanishi, eng asosiysi ularni sog'lom turmush-tarzga etaklash maqsadida bir qator loyihalarni ishlab chiqqanmiz, Futbol akademiyasining tashkil qilish orqali samarqandlik iqtidorli bolalarni izlab topish va ularga futbolni sir-asrorlarini bolaligidanoq o'rgatish hisoblanadi, - deydi klub direktori Olimjon Sattorov.