SHavkat Saidov: "Etiborsizlik oqibatda so'nggi soniyalarda g'alabani boy berib qo'yganligimizdan afsusdamiz"

"Navoiyda o'tkaziladigan uchrashuvlarda har qanday raqibga oson bo'lmasligini bilardik va shunga yarasha tayyorgarlik ko'rdik. Kutilganidek, o'yin mezbonlarning hujumlari bilan boshlandi. Biz xuddi shu holatga tayyorlangandik. Raqibning dastlabki hamlasini bartaraf etganimizdan keyin ilk qarshi hujumdayoq mezbonlar darvozasini ishg'ol etdik. O'yin qoidasi buzilgach Dilmurod Karimov to'pni chiroyli tarzda jarima maydoniga etkazib berdi va hammadan baland sakragan Javohir Esonqulov imkoniyatdan unumli foydalandi. Birinchi bo'limning o'zidaek biz g'alabamizni mustahkamlab olishimiz mumkin edi. hatto bir marta to'p ham kiritdik. Biroq o'yindan tashqari holat qayd etildi.

Ikkinchi taymda ham gol assistenti Dilmurod Karimov qulay vaziyatda to'pni jamoadoshlariga aniq etkazib bera olmadi va imkoniyat ko'kka sovurildi. Bu bo'limda ham maydon egalari tabiiyki bosimni oshirishdi. Biz esa qarshi hujum taktikasiga tayandik. To'liq himoyaga yotib olganimiz yo'q. Albatta, Navoiyda durang natija ham bizning jamoamiz uchun muvaffaqiyat sanaladi. Biroq biz oddiy etiborsizlik oqibatda so'nggi soniyalarda g'alabani boy berib qo'yganligimiz uchun afsusdamiz. 

Endi chempionatmizda kichik tanaffus. Futbolchilarni 1 iyundan yig'amiz va shug'ullanishni davom ettiramiz. Keyingi uchrashuvimizgacha tarkibimiz ikkiga bo'lingan holda nazorat uchrashuvini o'tkazishini ham rejalashtiryapmiz" - deydi SHavkat Saidov.