So’nggi yangiliklar

13:17Гвардиола 60 млн. еврога олинган Нико ҳақида: "Унинг отаси бизда ишларди"  0 12:38ПСЖ мавсум бошидан бери Лига 1да ҳали мағлуб бўлмади. Бунақаси тарихда 3 бор содир бўлди  0 12:29Ўзбекистон U-20 терма жамоасининг Осиё Кубогида иштирок этадиган таркиби маълум бўлди  1 12:04Усмон Дембеле кетма-кет 7 ўйинда гол урди  3 10:57Легионерларимизга аталган кун. Бугун Ҳусанов, Ғаниев, Эркинов, Турғунбоев жамоалари ўйнайди   5 10:16"Машъал" янги мавсумга тайёргарликни Тошкентда давом эттиради  0 09:43Sofascore. Отабек Шукуров "Ал Насср" билан учрашувда неча баҳо олди?  5 09:10"Металлург" собиқ мураббийи Мальдив ороллари жамоасида иш бошлади  4 08:35"Шўртан" дарвозабони легионерга айланди  1 08:05Ўзбекистонлик ҳимоячи Тожикистон совриндори сафига бориб қўшилди  0 07:35Суперлига. Жамоаларда амалга ошаётган трансферлар барчаси битта саҳифада   78 03:03Франция. ПСЖ "Монако"ни йирик ҳисобда мағлуб этди  5 02:53Англия Кубоги. "Манчестер Юнайтед"дан камбэк! Магуайр 90+3-дақиқада гол уриб, жамоасига ғалаба келтирди  12 02:43А Серия. Сўнгги дақиқадаги пенальти "Ювентус"га ғалаба олиб берди  4 02:25Бундеслига. "Бавария" йирик ғалабага эришди, Кейндан дубль  0

SHavkat Mirziyoev Parij-2024 Olimpiadasi yo'llanmasini qo'lga kiritgan futbolchilarimizga tabrik yo'lladi! Yangiliklar

SHavkat Mirziyoev Parij-2024 Olimpiadasi yo'llanmasini qo'lga kiritgan futbolchilarimizga tabrik yo'lladi!

SHavkat Mirziyoev Parij-2024 Olimpiadasi yo'llanmasini qo'lga kiritgan futbolchilarimizga tabrik yo'lladi!

Aziz farzandlarim!

SHu kunlarda Qatar davlatida futbol bo'yicha yoshlar o'rtasida bo'lib o'tayotgan Osiyo kubogida muvaffaqiyatli ishtirok etib, biryo'la final yo'llanmasi hamda shu yil yozda Parijda o'tkaziladigan Olimpiya o'yinlari yo'llanmasini qo'lga kiritganingiz bilan chin qalbimdan samimiy muborakbod etaman.

Jonajon O'zbekistonimizning futbol tarixida birinchi marta erishilgan bunday yorqin g'alabani, hech shubhasiz, mamlakatimizdagi barcha sport muxlislari, ko'pmillatli butun xalqimiz cheksiz quvonch va g'urur bilan kutib oldi. Zero, bu el-yurtimizning necha yillik buyuk orzusi edi.

Bu orzuni amalga oshirish aynan sizlarga – Yangi O'zbekistonning navqiron farzandlariga nasib etgani bilan har qancha faxrlansangiz, arziydi.

Albatta, sizlar erishgan bu tarixiy g'alaba zamirida keyingi yillarda mamlakatimizda sport sohasini, jumladan, futbolni rivojlantirishga berilayotgan ulkan etibor va amalga oshirilayotgan keng ko'lamli amaliy ishlar mujassam, desak, ayni haqiqatni aytgan bo'lamiz.

SHu bilan birga, sizdek azmu shijoatli yoshlarimizning tajribali murabbiy va mutaxassislar rahbarligida mazkur musobaqaga puxta tayyorgarlik ko'rib, har bir o'yinda chinakam mahorat, jasorat va matonat namunasini ko'rsatganingiz albatta yuksak tahsinga munosibdir.

Osiyo qitasidagi eng kuchli jamoalar bilan qizg'in kurashlar ostida bo'lib o'tgan 5 ta o'yinda ham jamoamiz darvozasini daxlsiz saqlab, raqiblar darvozasiga 14 ta javobsiz to'p kiritganingiz ham futbolimiz tarixida misli ko'rilmagan natijadir.

Ishonchim komilki, sizlar bu yutuqdan yanada ruhlanib, final bellashuvida “Osiyo chempioni” degan sharafli nom uchun munosib kurash olib borasiz.

Fursatdan foydalanib, barchangizga, sizlarning mehribon ota-onalaringiz, ustoz-murabbiylaringizga ham chin qalbimdan minnatdorchilik bildiraman.

Butun O'zbekiston xalqi sizlarga hamisha baxt va omadlar, porloq g'alabalar tilaydi, aziz bolalarim!

SHavkat Mirziyoev,

O'zbekiston Respublikasi Prezidenti

Reyting: +40   

Fikrlar

championat.asia
< so’nggi yangiliklarni ko’rish
Яндекс.Метрика