SHaker Zuagi: Guruhdan chiqishga urinamiz

"Biz bu o'yinga bir yarim oydan ortiq tayyorlandik, eng asosiysi biz g'alaba qozondik. Guruh bosqichiga yo'llanma oldik. U erda ikkita kuchli klub borligini bilaman, ammo bizning tarkibimiz ham yomon emas. Guruhdan chiqishga urinamiz, bunga kuchimiz etadi!", - deydi Zuagi.

- Bugun mavsumdagi ilk rasmiy o'yinni o'tkazdingiz. O'z harakatlaringizdan qoniqdingizmi?
- Yo'q,  barchasi joyida. Ikki oydan buyon birga o'ynayapmiz. Bir qator o'rtoqlik o'yinlarini o'tkazdik. SHu bois hech qanday muammo bo'lmadi. Bir jamoadek harakat qildik.

- OCHL haqida fikrlaringiz? Bu musobaqada ilk bor o'ynadingiz…
- Endi birinchi uchrashuvimni o'tkazdim. O'ylashimcha, qiziqarli bo'ladi. Evropa va Afrikada o'ynaganman. Hozir Osiyodaman, bu men uchun juda muhim. Barchasi yaxshi bo'lishiga umid qilaman. 

- Raqib haqida nima deya olasiz? Sababi uchrashuvdan oldin Al Jazira favorit hisoblanayotgan edi?
- Biz bir jamoa sifatida o'ynadik. Ularning hujumi juda xavfli. Ammo bizda ham ularda ham 11 nafar futbolchi harakat qildi. Al Jazira ishtirokidagi o'yinlarni ko'rib chiqqandik. Raqibning kuchli va kuchsiz tomonlarini yaxshi bilardik.

- Sizga rahmat. Keyingi o'yinlarda jamoaga omad tilaymiz.  

Omonjon To'xtamirzaev