SHahzodbek Nurmatov: "Terma jamoadan taklif kelishini kutmagan edim"

Ushbu tarkibga birinchi bor jalb etilgan "Metallurg" klubi hujumchisi SHahzodbek Nurmatov championat.asia saytiga dastlabki fikrlarini bildirib o'tdi.

"Ochig'i hali terma jamoadan taklif kelishini kutmagan edim. O'zimni oldimga qo'ygan eng katta maqsadim shu bo'lishiga qaramay birinchi bor eshitib juda hayratlandim. Menga ishonganlarni ishonchini oqlashga harakat qilaman. Garchi hali yakuniy tarkib elon qilinmagan bo'lsa ham terma jamoaga jalb etilish bu barcha futbolchining eng katta orzusi hisoblanadi. Bu masuliyatni olib yurish ulkan sharaf va bunday masuliyatni oqlashimga ishonaman. Hozirda Qarshida ertangi uchrashuvga tayyorlanayapmiz va "SHo'rtan"ga qarshi uchrashuvdan so'ng terma jamoaga borib qo'shilaman. Terma jamoamizning oldida turgan ikki muhim uchrashuvda kerakli natijani qo'lga kiritish uchun hamma birdek harakat qiladi".

- Terma jamoamizda hujum borasida ko'pdan buyon muammolar ko'zga tashlanmoqda. Bu esa sizga yanada ko'proq masuliyat yuklaydi. Bu borada qanday fikrdasiz?
- Hujumda o'ynash boshqa nuqtalardan ko'ra qiyinroq. SHaxsan menda ham bunday vaziyatlar bo'lib turadi. Har doim muxlis so'nggi nuqtani qo'yuvchiga ishonadi va barcha xatolik shu nuqtada ko'rinadi. O'ylashimcha hujumda bizda tajribali futbolchilar ham etarli. Undan tashqari bir necha tengdoshlarim ham o'ynamoqda. Biz ko'proq gol urib natijaga erishmoqchimiz.

Humoyun Davurov suhbatlashdi