SHackix: "Vice-prezident qaroriga ko'ra mavsum oxirigacha maydonga tushmas ekanman"

Futbol 1 telekanalining xabariga ko'ra, Maksim SHackix, Andrey Xomin va Oleg Gerasimyuk bu mavsumning keyingi o'yinlarida ishtirok etishmaydi.

"Men bilan murabbiy gaplashdi. Unga klub vice-prezidenti telefon qilib bizni maydonga tushirmaslikni aytibdi. Hozircha buning sababini bilganim yo'q", - deydi Maksim SHackix.

"Murabbiy aytganidek jamoa bilan mashg'ulot o'tkazayapman, lekin qolgan o'yinlarda ishtirok etamas ekanman. Mashg'ulotlarda qatnashaveraman, "Goverla" bilan yana bir yillik shartnomam bor".

Klub vice-prezidenti esa bu xabarni to'qima deb aytmoqda. 

"SHaxsan men bosh murabbiyning qaroriga aralasha olmayman. SHu bois bu xabar yolg'on. Men Vyacheslav Viktorovichga faqat taklif berishim mumkin, lekin qandaydir taqiq qo'ya olmayman. Bu umuman yolg'on", - deydi Aleksandr SHufrich.

Jamoa bosh murabbiyi Vyacheslav Grozniy SHackixning qaydnomadan o'rin olmasligini shunday izohladi:

"SHackixning issig'i bor edi, u bir oy maydonga tusha olgani yo'q. Tekshiruv uning kasalligini aniqlay olmadi. Uni "CHernomorec"ga qarshi bir taym o'ynatib ko'rdim, ammo o'z darajasiga qayta olmagan ekan. Bunday tajribali futbolchini zaxirada ushlab o'tirishdan qanday mano bor?".