Serxio Ramos "Manchester Siti" futbolchisiga aylanishi mumkin

Manbaning takidlashicha, 35 yoshli futbolchi "Siti" etiborini o'ziga qaratgan. Ramosning tajribasi va etakchilik fazilatlarini qadrlaydigan "shaharliklar" bosh murabbiyi Xosep Gvardiola ushbu transfer amalga oshishiga qarshi emas. "Manchester Siti" Ramosga yana bir mavsumga uzaytirish imkoniyati bilan ikki yillik shartnoma taklif qilmoqchi.

Avvalroq, Madrid klubi Ramos bilan yangi shartnoma borasida kelisha olmagani aytilgandi. Himoyachi va "Real" o'rtasidagi amaldagi shartnoma 2021 yilning yoziga qadar amal qiladi.

Eslatib o'tamiz, Ramos "Galaktikos" safida 2005 yildan beri to'p surmoqda. 2020/2021 yilgi mavsumda himoyachi Ispan klubi tarkibida 21 ta o'yin o'tkazib, to'rtta gol urdi va bitta golli uzatmani amalga oshirdi.