Sergey Kovshov: "3:0dan keyin bo'shashdik"

"Bugun oldimizda 3 ochko olish vazifasi qo'yilgandi. Bu juda muhim edi, chiroyli o'yin ko'rsatish emas aynan g'alaba zarur edi. Musobaqagi  o'rnimizdan kelib chiqsak bu juda ham kerakli g'alaba bo'ldi. Hisobni 3:0 qilib olgach jamoamiz ancha bo'shashib ketdi. Raqib safida Xoliqov, Vahobov kabi tajribali futbolchilar bor. SHukurki, g'alabali hisobni saqlab qola oldik.

Bugun uchala almashtirishni ham majburiy ravishda qildim, barchasi kichik jarohatlar tufayli bo'ldi. Ko'pchilik bugun charchab qoldi, 90 daqiqaga etib bora olishmadi. Sababi futbolchilar o'tgan hafta davomida katta jismoniy yuklamalarni qabul qilishdi.

Abdumalik Abdullaev aynan meni qo'l ostimda ilk bor o'yinlarni o'tkazgandi. U mening shogirdim, keyingi o'yinlarda balki u asosiy tarkibda ham tushar. Abdumalik jamoaga foyda keltira oladi.

Yoshlar jamoasida 1998, 1999 yilda tug'ilgan futbolchilar o'ynashmoqda. Ammo ishlar to'g'ri yo'lga qo'yilganida 1994 yilda tug'ilgan futbolchi yoshlar o'ynashlari kerak.

Bugun ilk bor bosh murabbiy sifatida o'yinni kuzatdim, bugun eng yaxshi o'yinimizni ko'rsatmadik, hali yanada kuchaya olamiz", - deydi Sergey Kovshov. 

Islombek Rustambekov yozib oldi