Sergey Lushchan: “G'alaba qozonganimizdan xursandman”

- Uchrashuvda g'alaba qozonganimizdan xursandman. SHogirdlarim harakatlari yomon chiqmadi. Lekin eng yaxshi o'yinlarimiz hali oldinda. Yaratilgan vaziyatlarni golga aylantirish borasidagi kamchiliklarimiz sekin-asta bartaraf etyapmiz. “Andijon” o'z maydonida yaxshi o'yin ko'rsatishini bilardik. O'yin oxirlarida bitta to'p farqi bilan yutayotganimizda Abdullaevda yaxshi imkoniyat bo'ldi. Baxtimizga Zuhurov mahorat ko'rsatib, zarbani bartaraf etdi. Bugungi taktikamizga Artyom Filiposyanni mos, deb topmadik. CHunki u ko'proq yuqori qavatda yaxshi o'ynaydi. SHuningdek, tezkor hujumlarga ham tayyor turadi. “Andijon”ni o'yinidan kelib chiqib uni zahirada qoldirdim. Agarda raqib kuchliroq jamoa bo'lganida Artyomni asosiy tarkibda maydonga tushirardim. Rashidov yaqinda terma jamoa safida ikkita taym o'ynagani bois uni ham zahirada qoldirib, ozroq vaqt qolganda o'yinga qo'shdim. Hali mavsum davomida o'yinlar ko'p. Hamma futbolchiga imkoniyat beriladi, - deydi Sergey Ivanovich.