Sergey Lushan: "Eng asosiy kamchiligimiz - vaziyatdan foydalana olmaslik"

"Bunday o'yinlardan so'ng nima deyishga ham hayronsan. Muammo o'z imkoniyatlarimizdan foydalana olmasligimizda. Yomon o'ynadik yoki yigitlar bor kuch bilan o'ynashmadi deya olmayman. Oddiy vaziyatda penalti bo'ldi. Eng asosiy muammoimiz bu yaratgan vaziyatlardan foydalana olmasligimizda", - deydi Lushan.

O'yinning eng yaxshi futbolchisi deb topilgan SHaker Zuagi ham matbuot anjumanida ishtirok etdi.

"Murabbiyimiz barcha gapni aytib qo'ydi. Bunday o'yinlarda bitta ikkita vaziyatdan gol urish kerak. Afsuski yuta olmadik. Raqib hech nima qilgani yo'q, faqat qarshi hujumda o'ynadi", - deydi Zuagi. 

- Hakamlar so'nggi 4ta o'yinda "Bunyodkor" 3ta penalti begilashdi. Bu hakamlar bilan bog'liqmi yoki himoyachilaringiz shu qadar qo'polmi? 

- Yo'q hakamlarda ayb yo'q. Himoyachilarimiz va Akbar To'raev jamoa uchun foyda keltirishga urinishdi. Biroq o'xshamadi. 

- Sardor Rashidov mavsum boshini juda yomon o'tkazmoqda. Bu nima bilan bog'liq?

- Bilganimda edi. Matbuot uni futbol dahosiga chiqarib qo'yishdi. SHu bois ham yosh yigit o'z o'yinini ko'rsata olmayapti.

- Siz doim tezkor o'yin tarafdori edingiz. Bugun shuni ko'rmadik...

- Nega endi futbolchilarimiz tez harakat qilishdi. Lekin raqib katta kuch bilan himoyalanishdi. SHu bois sizga tashqaridan shunday tuyulgandi.

- "Bunyodkor" ketma-ket ikkinchi o'yinda o'z maydonida gol ura olmayapti. Gol urish uchun yana nechta hujumchi yoki nechta imkoniyat kerak?

- Bu savolga javob bera olmayman. 

- Raqib ko'pchilik bo'lib himoyalansa uzoqdan zarba berish kerak emasmi? 10ta zarba beringlar gol bo'ladi.

- To'g'ri. Lekin uzoqdan zarba berish ham oson emas. Buning uchun futbolchilar mahoratga ega bo'lishlari lozim. 

Narzulla Saydullaev