Sergey Lushan: "Bugun natijadan qoniqmadim, o'yinda biroz o'sish bor"

"Bugun natijadan qoniqmadim. Lekin o'yindan nisbatan yaxshi o'ynadik. Hech nima o'zgargani yo'q. Qaytarman, 10 kishi bo'lib bo'lsa ham yaxshiroq o'ynadik. Vaziyatlardan foydalana olmadik", - deb gap boshladi Lushan.

- Bugungi o'yinda zarbalar soni juda ko'p bo'ldi. Bu xursand qildi.
- Albatta yigitlarga zarba berishni uqtirgandim. 70-daqiqadan so'ng raqib ko'proq himoyada o'ynadi. SHu bois vaziyatlar ko'paydi. Tarkibimizda Mierjievski, Vayss kabi futbolchilar yo'q. Ular millionerlar, katta maosh olishadi. Biz asosan yosh yigitlarimizga tayanib o'ynaymiz.

- Siz jamoaga kelib tarkibni juda yoshartirib yubordingiz. Natija bo'lmayapti, endi o'z yo'nalishingizdan chekinmaysizmi?
- Yo'q, bundan qaytmaymiz. Rahbariyat bu lavozimga kelishimdan oldin buni menga aytgandi. Akademiya direktori bo'lganimda barcha yigitlarni tanirdim. Bizning akademiyamizdagi sharoitlar deyarli hech qaerda yo'q. Xatto "Barselona" akademiyasida ham yo'q. Terma jamoalarga 18 nafar futbolchini chaqirishdi, "Lahviya"ga qarshi o'yindan oldin qo'l ostimda 4 nafar futbolchi qolgandi. SHu bois biz to'g'ri yo'ldan ketayapmiz. Vaqt o'tgan sari barcha biz to'g'ri yo'lda ekanimizni ko'radi.

- Akademiyani tashkil etishda qaysi jamoadan andoza olingan?
- 2010 yilda tashkil etilganida "Barselona"dan andoza olingan. Butkul ko'chirib olinmagan, eng asosiy vaziyatlarini olganmiz.

- Bu tarkibga vaqt kerak dedingiz. Necha yildan so'ng mana shu yosh yigitlar OCHLda guruh bosqichidan bemalol chiqadi deya olamiz?
- Bizning akademiyamiz tashkil etilganiga 5 yil bo'ldi. Boshqa klublarga 10-15 yillardan so'ng natija kelgan. Akademiyamizda yanada yosh futbolchilar bor. Ularni yaqin orada yoshlar jamoasiiga keyinroq asosiy tarkibga qo'shamiz. Qadamba qadam rivojlanishda davom etamiz.


Narzulla Saydullaev