“Sening shodliging uchun, Bolajon” xayriya tadbiri o'tkazildi
03 iyu 2016 11:30
Yangiliklar
![](https://championat.asia/upload/storage/210158_original.jpg)
![](/upload/storage/210158_220.jpg)
“Sening shodliging uchun, Bolajon” xayriya tadbiri o'tkazildi
Ushbu davlat dasturiga ko'ra yurtimizda keng ko'lamli ishlar olib borilmoqda. SHu jumladan “O'zbekiston Temir Yo'llari" Akciyadorlik Jamiyati va “Lokomotiv” futbol klubi ham o'zining kichik hissani qo'shish maqsadida bir qator tadbirlarni rejalashtirgan.
Yuqorida aytib o'tilgan dasturga muvofiq ravishda “Lokomotiv” futbol klubi hamda “Zarqand“ savdo belgisi “1 iyun - Halqaro bolalarni himoya qilish kuni” munosabati bilan poytaxtimizda joylashgan 25-maxsus Daunizm va Autizm sindromi bilan davolanayotgan maktab o'quvchilariga quvonch ulashish maqsadida “Sening shodliging uchun, Bolajon” xayriya tadbiri o'tkazildi. Ushbu tadbirga binoan 25 maktabda bolajonlarimizni bayram bilan tabriklash maqsadida“Lokomotiv” raxbariyati, klub futbolchilari, “Zarqand“ savdo belgisi va maktab o'quvchilari o'rtasida futbol uchrashuvi tashkil etildi.
Ushbu xayriya tadbirida dastlab bolajonlar bilan davra suxbati o'tkazildi. Dastlab “temiryo'lchilar” sardori Temur Kopadze bolalarni bayram bilan tabrikladi va ularga futbolga qanday kirib kelgani haqida so'zlab berdi. O'z navbatida tadbirimiz hamkori “Zarqand“ savdo belgisi kompaniyasi direktori Azizov Abduhamid ham so'zga chiqib barcha bolalarni kompaniya nomidan tabrikladi. SHundan so'ng “Lokomotiv” futbol klubi bosh direktor o'rinbosari To'labek Akramov, “Zarqand“ savdo belgisi kompaniyasi direktori Azizov Abduhamid va “Lokomotiv” futbolchilar bolalarga o'z sovg'alarini ulashdilar.
Bu tadbir o'z nihoyasiga etgach barcha maktab futbol maydonchasiga chiqdi va maktab o'vuchilari va “Lokomotiv” futbolchilari o'rtasida futbol uchrashuvi tashkil etildi. Uchrashuv yakunlangach futbolchilarimiz maktab o'quvchilariga o'z maxoratlarini namoyish etdilar.
Futbol uchrashuvi yakunlangach maktab raxbariyati, ota-onalar va o'quvchilar “O'zbekiston Temir Yo'llari” Akcionerlik kompaniyasi, “Lokomotiv” futbol klubi raxbariyati, klub futbolchilari va “Zarqand“ savdo belgisi jamoasiga omad tiladilar.
O'zbek xalqi azaldan bolajon xalq. Bizning kelajagimiz bo'lmish bolajonlarni har tomonlama qo'llab-quvvatlash xalqimizning eng ajoyib fazilatlaridan biri. “Lokomotiv” futbol klubi va Zarqand“ savdo belgisi yana bir ko'plab bu kabi quvonchli onlarni bolajonlarimiz bilan o'tkazishni rejalashtirib oldi. Zero, bunday tadbirlardan maqsad farzandlarimizni kelajakda Vatanimiz sharafini himoya qiladigan, bayrog'ini halqaro maydonlarda yuqoriga ko'taradigan insonlar bo'lib etishishida oz bo'lsa ham xizmat qiladi.
O’xshash yangiliklar
![AMP Logo](https://championat.asia/image/logo-amp.png)
Fikrlar