Saudiya Arabistoni terma jamoasi futbolchilari Portugaliyadagi ilk mashg'ulotini niqob taqqan holda o'tkazdi

Saudiya Arabistoni terma jamoasi futbolchilari Portugaliyaning Lagos shahrida bo'lib o'tgan ilk mashg'ulotida niqob bilan harakat qilishdi.

"Al Riyadh" nashri xabariga ko'ra, Italiyaning sport texnologiyalariga ixtisoslashgan "O2Up" kompaniyasi saudiya arabistoniliklarni ushbu niqob bilan taminlagan.

Terma jamoa bosh murabbiyi Roberto Manchini va uning yordamchilari ushbu texnologiya orqali futbolchilarning jismoniy va salomatlik holati to'g'risida malumotlar bazasini to'plash imkoniyatiga ega bo'lishgan.

Takidlanishicha, ushbu niqoblar stressni kamaytirish va mushaklar shikastlanishining oldini olishga ham xizmat qiladi.