Sarri: "Maydon markazida "CHelsi"ga mutaxassis kerak"

"20 daqiqadan so'ng Jorjino tez-tez to'pni yo'qotib qo'ydi. Bu kutilmagan hol. SHuning uchun unda muammo bor deb o'yladim. Balki, u charchagandir. Ammo, Fabregas bor paytida uning o'rnini to'ldira olardi.  

Ampadu? Kelajakda u Fabregasga izdosh futbolchi bo'lishi mumkin. Lekin, o'z ustida ishlashi kerak. Ushbu poziciyada maydonga tushadigan o'yinchi bahs davomida 120-130 marta to'p bilan muomala qiladi. SHuning uchun, bizga mutaxassis kerak, deb hisoblayman. 

Xadson-Odoida o'sish kuzatilmoqda. Biroq, unga ham "CHelsi" darajasiga chiqishi uchun kamida ikki-uch oy vaqt kerak. Ampaduga ham mazkur so'zlar tegishli. Jamoamizning markaziy yarim  himoyasida o'ynash oson emas. Mashg'ulotlarda harakat, harakat va yana harakat qilib borish kerak", — deya Sarrining so'zlarini keltirdi klub rasmiy sayti.