Sardor Rashidov: “Bizga biroz vaqt bering”

"Avvalo so'nggi paytlarda jamoamizni “Bunyodkor” stadionida qo'llab-quvvatlayotgan muxlislarga rahmat aytaman. Bunday sharoitda to'p tepish to'g'risi bizga rohat bag'ishlayapti. OCHL o'z yo'liga, chempionatda ham shunday bo'lsa sizlarga jamoamiz nomidan katta rahmat aytaman. “Persepolis” bilan o'yinga to'xtalsam, natija uchun uzr so'rayman. Ko'p joyida mendan ham xato o'tdi. O'z ustimda ishlashga vada beraman. To'g'ri keyingi o'yinda xato qilmayman deb ayta olmayman. Ammo har bir o'rinli tanqidni 100 foiz to'g'ri qabul qilaman va o'z ustimda yanada ishlashga harakat qilaman. Bu otamning ham orzusi.

Jamoamizni ko'rayapsizlar, bu yil o'yinda o'sish bo'ldi, demak keyingi yil yanada yaxshi bo'lamiz. Avvalo shu jamoada ko'p yillar o'ynashni istayman, ammo imkon bo'ldi deguncha MTJ manfaati yo'lida kuchliroq chempionatga ketishni istayman. Endi “Lahviya”ga qarshi o'ynaymiz. Bu o'yin ham o'z maydonimizda bo'ladi, “Paxtakor” va “Bunyodkor” mazkur turda toshkentlik va Toshkent jamoalariga OCHLda befarq bo'lmagan muxlislarni quvontirishlariga ishonaman. Yana bir bor stadionga kelayotgan muxlislarga rahmat aytaman va ulardan uzr so'rayman", - deydi Rashidov