Sardor Abduraimov: "Har bir vaziyatda VAR`ga murojaat qilaverish o'yin tempini tushirmoqda"

- Dastlab o'yin haqida qisqacha fikrlaringizni bildirib o'tsangiz...

- "Andijon" bilan o'yinga to'xtaladigan bo'lsam, uchrashuv qiziqarli va murosasiz kechdi, deb bemalol ayta olaman. O'ylaymanki stadionga tashrif buyurgan ko'p sonli ishqibozlar zerikib qolishmadi. Raqibga muxlislarning tinimsiz olqishlashlari katta yordam berdi. Ular bir daqiqa bo'lsa ham tingani yo'q. Yakunda durang qayd etdik. 

- Avvalgi o'yinlarga qaraganda futbolchilar bir-birilarini yaxshiroq tushunib harakat qilishdi. Poziciyadan poziciyaga o'tishda, chiziqlar orasidagi bog'lamlarda, hujum tashkil qilishda biroz bo'lsa ham oldinga siljish borligini ko'rdik. Balki FIFA kunlari munosabati bilan yuzaga kelgan tanaffus jamoaga foyda keltirgandir?

- Bosh murabbiy Aleksandr Xomyakov biz uchun begona emas. Ushbu mutaxassis bilan avval ham birga ishlaganmiz. Falsafasi va uslubidan xabardormiz. Faqatgina murabbiy jamoani kechroq qabul qilib olganligi biroz vaqt kerak. O'yindan-o'yinga harakatlarimiz qovushib boradi. 

- Mazkur uchrashuvda VAR tizimi so'nggi daqiqalarda o'yinni cho'zilishiga sabab bo'ldi va shiddatning pasayishiga olib keldi. Jamoa sardori sifatida bunga fikringiz qanday?

- VAR tizimiga keladigan bo'lsak, kecha bizning foydamizga ishladi. Darvozani ishg'ol qilgan vaqtimizda qanot hakami o'yindan tashqari holatni qayd etdi. Biroq yakunda VAR qaroridan so'ng golimiz hisobga olindi. To'g'risini aytsam o'yinning tempini juda ham tushirib yubormoqda. Hakamlar ham inson, ular ham xatoga yo'l qo'yib turadi. Ammo har bir vaziyatda to'xatib VAR`ga yuzalanversa o'yinning shiddati tushib ketadi.

Abdulaziz Iskandarov yozib oldi