Sanjar Tursunovga muxlislar tomonidan suv to'la idish uloqtirilgani uchun "Navbahor" jazolandi – O'FA Tartib-intizom qo'mitasi qarori

Unda so'nggi turlar doirasida bo'lib o'tgan uchrashuvlardagi intizomiy ishlar ko'rib chiqildi.

Superliga

“Navbahor lochinlari” — OKMK

Superliganing 18-turi doirasidagi “Navbahor lochinlari” — OKMK uchrashuvining 79-daqiqasida “Navbahor lochinlari” muxlislari tomonidan futbolchilar tomonga turli buyumlar uloqtirilgani hamda uloqtirilgan idishlardan biri OKMK klubi futbolchisining boshiga teggani qayd etilgan.

Tartib-intizom qo'mitasining qaroriga ko'ra, “Navbahor Lochinlari” futbol klubiga nisbatan jarima intizom chorasi qo'llanildi.

Pro liga

“Yunired” — “G'ijduvon”

Pro liganing 15-turi doirasidagi “Yunired” — “G'ijduvon” uchrashuvining 83-daqiqasida “G'ijduvon” jamoasi futbolchisi SHavkat Rahmatov bosh hakam shaniga haqoratli so'zlar ishlatgani uchun maydondan chetlashtirilgan.

Tartib-intizom qo'mitasining qaroriga ko'ra, SHavkat Rahmatovga (G'ijduvon) nisbatan 3 ta o'yinga chetlashtirish va jarima intizom chorasi qo'llanildi.

Pro liganining 14-turi doirasidagi “Aral” — “Lokomotiv” hamda 16-turi doirasidagi “Dinamo plyus” — “Lokomotiv” uchrashuv komissarlaridan bildirgi kelib tushgan. Unga ko'ra, “Superliga va Pro liga reglamenti”ning 16.30-bandida uchrashuv vaqtida futbol klubi rasmiylari orasidan faqatgina bosh murabbiyga texnik zonada futbolchilarga ko'rsatma berish uchun ruxsat etilgan bo'lsa-da, mazkur tartib “Lokomotiv” jamoasi murabbiyi Mirko Elichich tomonidan buzilgani qayd etilgan.

Tartib-intizom qo'mitasining qaroriga ko'ra, Mirko Elichichga (Lokomotiv) nisbatan 1 ta o'yinga chetlashtirish va jarima intizom chorasi qo'llanildi.

Birinchi liga

“Qumqo'rg'on-1977” — “Cementchi”

Birinchi liganing 14-turi doirasidagi “Qumqo'rg'on-1977” — “Cementchi” uchrashuvi yakunlangandan so'ng, “Cementchi” jamoasi futbolchisi Yursunali Topvoldiev yordamchi hakam shaniga haqoratli so'zlar qo'llagani hamda jismoniy kuch ishlatishga harakat qilgani uchun maydondan chetlashtirilgan.

Tartib-intizom qo'mitasining qaroriga ko'ra, Yursunali Topvoldievga (Cementchi) nisbatan 4 ta o'yinga chetlashtirish va jarima intizom chorasi qo'llanildi.

“Bunyodkor farm” — “SHahrixonchi”

Birinchi liganing 14-turi doirasidagi “Bunyodkor farm” — “SHahrixonchi” uchrashuvining 65-daqiqasida “SHahrixonchi” jamoasi murabbiyi Tursunboy Xusanov bosh hakam shaniga haqoratli so'zlar ishlatgani uchun maydondan chetlashtirilgan.

Tartib-intizom qo'mitasining qaroriga ko'ra, Tursunboy Xusanovga (SHahrixonchi) nisbatan 3 ta o'yinga chetlashtirish va jarima intizom chorasi qo'llanildi.

U-19 chempionati

“Metallurg U-19” — “Paxtakor U-19”

U-19 chempionatining 15-turi doirasidagi “Metallurg U-19” — “Paxtakor U-19” uchrashuvi yakunlangandan so'ng, “Paxtakor U-19” jamoasi futbolchisi Bobur Abdujabborov bosh hakam shaniga haqoratli so'zlar ishlatgani uchun maydondan chetlashtirilgan. SHuningdek, “Paxtakor U-19”ning yana bir futbolchisi Muhammadiyor Marifaliev bosh hakamning futbolkasini tortib, futbolchiga xos bo'lmagan xatti-harakat qilgani uchun maydondan chetlashtirilgan.

Tartib-intizom qo'mitasining qaroriga ko'ra, Bobur Abdujabborovga nisbatan 3 ta o'yinga, Muhammadiyor Marifalievga nisbatan esa 4 ta o'yinga chetlashtirish intizom chorasi qo'llanildi.

“SHo'rtan U-19” — “G'ijduvon U-19”

U-19 chempionatining 14-turi doirasidagi “SHo'rtan U-19” — “G'ijduvon U-19” uchrashuvining 66-daqiqasida “SHo'rtan U-19” jamoasi futbolchisi Oybek Jonibekov to'p uchun kurashish vaqtida oyog'ining tag qismi bilan raqib o'yinchisining oyoq qismiga zarba bergani uchun maydondan chetlashtirilgan. Uchrashuvning 90-daqiqasida “G'ijduvon U-19” jamoasi futbolchisi SHarifjon Abdumo'minov to'psiz vaziyatda raqib o'yinchisining son qismini bosib olgani uchun maydondan chetlashtirilgan.

Tartib-intizom qo'mitasining qaroriga ko'ra, Oybek Jonibekovga (SHo'rtan U-19) va SHarifjon Abdumo'minovga (G'ijduvon) nisbatan 3 ta o'yinga chetlashtirish intizom chorasi qo'llanildi.

“Xorazm U-19” — “Qizilqum U-19”

U-19 chempionatining 16-turi doirasidagi “Xorazm U-19” — “Qizilqum U-19” uchrashuvining 77-daqiqasida “Xorazm U-19” jamoasi futbolchisi Bunyodbek Matrasulov uchrashuv to'xtatilgan vaqtda qasddan oyog'i bilan raqib o'yinchisini bosh qismiga zarba bergani uchun maydondan chetlashtirilgan. Uchrashuvning 77-daqiqasida “Xorazm U-19” jamoasi futbolchisi Ilyosbek Rahimov uchrashuv to'xtatilgan vaqtda raqib o'yinchisini qasddan turtib yuborgani qayd etilgan. “Qizilqum U-19” jamoasi futbolchilari Samandar Rahimov, Akmaljon Davronov va Ramazon Robbimov uchrashuv to'xtatilgan vaqtda raqibga nisbatan tajovuzkor qasddan harakatlar qilishgan.

Tartib-intizom qo'mitasining qaroriga ko'ra:

Bunyodbek Matrasulovga (Xorazm U-19) nisbatan 10 ta;

Ilyosbek Rahimovga (Xorazm U-19) nisbatan 3 ta;

Samandar Rahimovga (Qizilqum U-19) nisbatan 5 ta;

Ramazon Robbimovga (Qizilqum U-19) nisbatan 3 ta;

Akmaljon Davronovga (Qizilqum U-19) nisbatan 3 ta o'yinga chetlashtirish intizom chorasi qo'llanildi.

“So'g'diyona U-19” — “Neftchi U-19”

U-19 chempionatining 14-turi doirasidagi “So'g'diyona U-19” — “Neftchi U-19” uchrashuvining 38-daqiqasida “So'g'diyona” futbol klubi texnik direktori Anvar Almatov yordamchi hakamning shaniga haqoratli so'zlar ishlatgani uchun maydondan chetlashtirilgan.

Tartib-intizom qo'mitasining qaroriga ko'ra, Anvar Almatovga (So'g'diyona U-19) nisbatan 3 ta o'yinga chetlashtirish va jarima intizom chorasi qo'llanildi.

“Lokomotiv U-19” — “Surxon U-19”

U-19 chempionatining 14-turi doirasidagi “Lokomotiv U-19” — “Surxon U-19” uchrashuvining 63-daqiqasida “Lokomotiv U-19” jamoasi futbolchisi Kamronbek Ergashev to'p uchun kurashish vaqtida oyog'ining tag qismi bilan raqib o'yinchisining oyoq qismiga zarba bergani uchun maydondan chetlashtirilgan.

Tartib-intizom qo'mitasining qaroriga ko'ra, Kamronbek Ergashevga (Lokomotiv U-19) nisbatan 3 ta o'yinga chetlashtirish va jarima intizom chorasi qo'llanildi.

Ayollar oliy ligasi 

“Metallurg W” — “So'g'diyona W”

Ayollar oliy ligasining 18-turi doirasidagi “Metallurg W” — “So'g'diyona W” uchrashuvining 87-daqiqasida “Metallurg W” jamoasi futbolchisi Nozima Qosimbekova bosh hakam shaniga haqoratli so'zlar ishlatgani uchun qizil kartochka bilan jazolangan.

Tartib-intizom qo'mitasining qaroriga ko'ra, Nozima Qosimbekovaga (Metallurg W) nisbatan 3 ta o'yinga chetlashtirish intizom chorasi qo'llanildi.

Ayollar birinchi ligasi 

“Aral W” — “Xorazm W” 

Ayollar birinchi ligasining 8-turi doirasidagi “Aral W” — “Xorazm W” uchrashuvining 73-daqiqasida “Xorazm W” jamoasi futbolchisi Barchinoy Eshmuratova raqib o'yinchisining yuz qismiga zarba bergani uchun maydondan chetlashtirilgan.

Tartib-intizom qo'mitasining qaroriga ko'ra, Barchinoy Eshmuratovaga (Xorazm W) nisbatan 3 ta o'yinga chetlashtirish intizom chorasi qo'llanildi.

“Dinamo W” — “Andijanka W”

Ayollar birinchi ligasining 8-turi doirasidagi “Dinamo W” — “Andijanka W” uchrashuvi yakunlangandan so'ng “Dinamo W” jamoasi futbolchisi Aziza Useinova bosh hakam shaniga haqoratli so'zlar ishlatgani uchun qizil kartochka bilan jazolangan.

Tartib-intizom qo'mitasining qaroriga ko'ra, Aziza Useinovaga (Dinamo W) nisbatan 3 ta o'yinga chetlashtirish intizom chorasi qo'llanildi.