Sanjar SHoahmedov: "Birinchi davradagi mag'lubiyat bugungi o'yinga tasir qilmaydi"

“Lokomotiv”ning etakchilaridan biri Sanjar SHoahmedov mazkur o'yin oldidan klub rasmiy saytiga o'z fikrlari bilan o'rtoqlashdi.

Raqib haqida:
– Bizni oldinda AGMKga qarshi to'qnashuv kutib turibdi. Ushbu match oldidan barchaning kayfiyati yaxshi, jarohat olgan futbolchilarimiz yana safga qaytdi. O'yinga barcha 100 foiz tayyor va biz faqat g'alaba uchun maydonga tushamiz.

Birinchi davradagi mag'lubiyat haqida:
– Birinchi davradagi mag'lubiyat bugungi o'yinga tasir qilmaydi. CHunki bu futbol. O'tgan g'alaba va mag'lubiyatni unutib yangi g'alabalar uchun harakat qilish kerak.

O'z o'yini haqida:
– Har bir uchrashuvda maksimal kuch bilan o'ynashga harakat qilayapman. Bu qanchalik yaxshi yoki yomonligini maydonda o'tirgan muxlis va mutaxasislarga ayon. Raqib kimligini ahamiyati yo'q. Hali oldinda bizni ulkan g'alabalar kutayotganiga ishonchim komil, – dedi tajribali futbolchi klub rasmiy saytiga.