Sanat SHixov: "Olimpik" jamoasi loyihasini ilgariroq amalga oshirish kerak edi"

Mazkur uchrashuvdan so'ng jamoaning tajribali futbolchisi Sanat SHixov fikrlari bilan o'rtoqlashdi.

"O'yin qiyin bo'lishini bilar edik. Raqib safida olimpiyada yo'llanmasi uchun kurashadigan futbolchilar jamlangan. SHuning uchun taktikani o'zgartirgan holda ikkinchi raqam ostida to'p tepdik. Menimcha o'yinimiz yomon chiqmadi. Har bir o'yinda natija qanday bo'lishidin qatiy nazar uch ochkoga ega chiqish xursand qiladi. G'alaba bilan muxlislarni, klub rahbarlarini tabriklayman. To'g'risini aytganda "Olimpik" menda ijobiy taassurot qoldirdi. Raqib tarkibida iqtidorli va maqsadi, kelajagi bor futbolchilar yig'ilganligi ko'rinib turibdi. "Olimpik" jamoasi menga yoqdi. Bunday loyihani ilgariroq qilish kerak edi. Eslasangiz bizning avlodda ham boshida shunday jamoa tashkil qilingandi. Oradan bir necha yil o'tib yoshlar o'rtasidagi Jahon chempionatiga chiqdik. Jamoa ko'p vaqt birga bo'lsa, bitta oila sifatida jamlansa o'zini natijasini beradi. Bu jamoa uzoqqa boradi, deb o'ylayman. Asosiy futbolchilar ham jalb qilinsa yanada kuchli jamoaga aylanadi",- deydi SHixov.