Samvel Babayan: "Jamoa ikki futbolchiga bog'lanib qolmagan"

"O'ylashimcha ikkala jamoa muxlislari chiroyli o'yin guvohiga aylanishdi. Futbolda himoyadagi qo'pol xatolar bo'lib turadi. "Lokomotiv"ni g'alaba bilan tabriklayman. G'alaba uchun ikkita etakchimiz etishmadi. Ular hujum tashkil qilishda ancha foydali o'ynar edilar. CHempionat o'yinida omadimiz kelmadi, balki boshqa musobaqalarda omadimiz kelar", - deydi Samvel Babayan.

- Jamoani OCHLda qiyin o'yin kutib turibdi. Futbolchilar o'sha bahsga tiklana olishadimi?

- Albatta, yigitlar hozirdan tiklanishni boshlashdi. OCHLda yaxshi o'ynayapmiz, Iskanderov va Maxaradze yo'q bo'lsa ham yaxshi o'ynay olishimizni ko'rdik. Umid qilamizki so'nggi turda g'alaba qozonamiz.

- Javohir Sohibov haqida fikrlaringiz...

- U tayanch yarim himoyasida yaxshi o'ynamoqda. Ammo ijodkorlik etishmayapti.

- Himoya markazidagi xatolar yana takrorlanmoqda. Yangi futbolchi sotib olish rejada yo'qmi?

- Oraxovacni yil boshida sotib olganmiz. U harakat qilmoqda. Kamoliddin Tojiev jarohat olgani bizni pand berdi. U tez orada safga qaytadi.

- O'zbekiston chempioni faqat ikkita futbolchiga bog'liqmi?

- Yo'q, ularsiz uchinchi o'yinimizni o'tkazdik. Ochiqchasiga aytsak bugun "Lokomotiv"dan kuchsiz emasdik. Omadimiz kelmadi.

- Navro'z Alimov "Paxtakor"ga o'tganida yaxshi o'ynab ketadi deb o'ylagandik. Uning keyingi taqdiri qanday kechadi?

- U yaxshi hujumi, kelajagi porloq. Mehnat qilishda davom etishi kerak. "Qizilqum" safida bizga qarshi o'ynaganida tayyor futbolchi deb o'ylagandik. Biroq ko'rindiki hali bizning darajamizda emas. Buni o'zi yaxshi tushunib turibdi, o'z ustida tinmay mehnat qilmoqda.

Narzulla Saydullaev