Samvel Babayan: "Terma jamoaga faqat unga loyiq futbolchilar chaqiriladi"
24 iyu 2016 21:25
Yangiliklar
![](https://championat.asia/upload/storage/216410_original.jpg)
![](/upload/storage/216410_220.jpg)
Samvel Babayan: "Terma jamoaga faqat unga loyiq futbolchilar chaqiriladi"
"Bugun ikki haftalik yig'inimizning yakunida Iroq terma jamoasiga qarshi maydonga tushdik. Bugun barcha o'ylagan rejalarimiz amalga oshgani yo'q. Yigitlarda qandaydir bosim sezilib turdi. Avstriyadagi yig'inimiz davomida ham bir qancha o'rtoqlik o'yinlarini o'tkazdik. Taklif etilgan yigitlar o'zlarini har tomonlama ko'rsatishga harakat qilishdi.
Terma jamoamizning asosiy kuchi albatta legionerlarimiz.
Ochiq aytaman, markaziy himoyachilarimiz borasida muammolar bor. Bugun Azim Ahmedovni bu borada sinab ko'rdik. Afsuski, Islom To'xtaxo'jaev ham biz bilan birga emas.
Temurxo'ja Abduholiqov? U bazi principlarga ko'ra hozircha terma jamoaga mos kelmaydi.
Masharipov o'zini yaxshi ko'rsatmoqda. SHu sababli, u terma jamoaga taklif etildi. Jaloliddin - terma jamoa uchun nomzod futbolchilardan biri.
Tarkibni murabbiylar shtabi aniqlaydi. Agar ushbu tarkibda 7 nafar "Paxtakor"chi bo'lsa ulur ushbu saviyaga mos keladi. Ular mamlakatimizning amaldagi chempioni ekanligini unutmaylik.
Jasur Hasanov terma jamoamiz uchun yordam beradigan futbolchi. U haqiqiy vatanparvar, terma jamoaga mos keladigan futbolchi.
Yigitlar etarli darajada o'ynay olishdi. Azim Ahmedov, Kamoliddin Tojievlar bugun kichik jarohat bilan maydonga tushishgandi. Azim aynan shuning uchun erta maydonni tark etdi.
Biz Azamovni ham, Ashurmatovni ham tekshirib ko'rganmiz. Terma jamoaga faqat unga mos bo'lgan futbolchilar chaqiriladi", - deya o'z fikrlarini yakunladi Samvel Babayan.
Aziz To'xtamurodov yozib oldi
O’xshash yangiliklar
![AMP Logo](https://championat.asia/image/logo-amp.png)
Fikrlar