Samvel Babayan: "Musobaqada oxirigacha kurashamiz"
08 apr 2015 07:01
Yangiliklar
Samvel Babayan: "Musobaqada oxirigacha kurashamiz"
"Al Ayn" va "Paxtakor" jamoalari uchrashuvidan keyin har ikki jamoa bosh murabbiyi matbuot anjumanida o'yin haqida fikrlarini bildirib o'tishdi.
Samvel BABAYAN (“Paxtakor” bosh murabbiyi): - O'yin muxlislarga zavq ulashdi deb o'ylayman. Natija bahsga mos bo'ldi deb o'ylayman, bazi holatlarda biz tashabbusga erishib, gol urish uchun qulay vaziyatlarni yuzaga keltirdik. SHogirdlarimga ular xarakter ko'rsatgani uchun minnatdorchilik bildiraman. Ular zamonaviy futbol talablariga xos harakat qilishdi. Agar etakchilarning jarohati bo'lmaganda g'alaba qozonishimiz ham mumkin edi. Biz oldinga qarab qadam tashlashda davom etamiz va shunga intilamiz. Menimcha, mintaqada bizning guruh eng kuchli. Har bir jamoa keyingi bosqichga chiqish uchun imkoniyatga ega. Keyingi bellashuvlarda muxlislarimizga yoqadigan chiroyli o'yin ko'rsatishga urinamiz. Bugun bizni qo'llab-quvvatlab turishgani uchun ularga jamoa nomidan rahmat aytaman.
Zlatko DALICH ("Al Ayn" bosh murabbiyi): - G'alabaga erishmoqchi edik, chunki uyda muxlislarimiz qarshisida o'ynayotgandik. Durang ham yomon natija emas. Birinchi bo'limda o'yinni nazorat qildik va zarur paytda to'p kiritgandik, ammo bo'lim yakunida darvozamizdan to'p olib chiqdik. Bu gol futbolchilarni tushkunlikka tushirdi va raqibga katta ishtiyoq berdi. Etakchi o'yinchilarning maydonga tushmagani sezilib qoldi. Ayniqsa, Asamoa Gyan katta yordam berishi mumkin edi.
Zlatko DALICH ("Al Ayn" bosh murabbiyi): - G'alabaga erishmoqchi edik, chunki uyda muxlislarimiz qarshisida o'ynayotgandik. Durang ham yomon natija emas. Birinchi bo'limda o'yinni nazorat qildik va zarur paytda to'p kiritgandik, ammo bo'lim yakunida darvozamizdan to'p olib chiqdik. Bu gol futbolchilarni tushkunlikka tushirdi va raqibga katta ishtiyoq berdi. Etakchi o'yinchilarning maydonga tushmagani sezilib qoldi. Ayniqsa, Asamoa Gyan katta yordam berishi mumkin edi.
Fikrlar