Samvel Babayan: "Mag'lubiyatga loyiq emasdik"

"Bugun yaxshi futbol bo'lib o'tdi. Muxlislar ham o'yinni ko'rib zerikish qolishmadi deb o'ylayman. Afsuski g'alaba qozona olmadik va mag'lub bo'ldik. Buning uchun muxlislardan uzr so'rayman. O'yindan kelib chiqib shuni aytish mumkinki, bugun mag'lubiyatga loyiq emasdik", - deya so'z boshladi Samvel Babayan.

- OCHLda ketma-ket uchchala jamoamiz ham mag'lubiyatga uchradi. Bu holat bo'yicha qanday fikrdasiz? Bu natijalar hammasi klublarning ichki muammolari borligi tufaylimi?
- Uchta uchrashuv va uch hil scenariylar ostida o'tgan o'yinlar. Bu albatta barchaning o'zining muammolari borligi sabab. Bugun biz mag'lubiyatga loyiq o'ynamadik. Lekin yaratilgan vaziyatlarni golga aylantira olmadik. Bu borada hali ko'p ishlarni olib borishimiz lozim.

- Egor Krimec, Davron Hoshimovlarni maydondagi harakatlari borasida nima deya olasiz? Xatolar ko'payib ketmayaptimi?
-  Bu futbolchilar orasida Aleksandr Merzlyakovni ham qo'shgan bo'lardim. Himoyada muammolar bor va buni to'g'irlash ustida ishlayapmiz. Uchrashuv so'nggida Egor Krimec o'zini almashtirish kerakligini so'radi. Unda kichik jarohat bor edi. Lekin zaxiramiz qolmagani sababli oxirigacha o'ynashini so'radik.