Samvel Babayan Janubiy Koreya bilan o'yinga Afonin va Hamrobekovni chaqirdi

Jahon chempionati saralashining 3-bosqichida ishtirok etayotgan O'zbekiston bugundan Janubiy Koreyaga qarshi 15 noyabr kuni bo'lib o'tadigan safardagi o'yinga tayyorgarlikni boshlaydi.

Ushbu yig'in doirasida O'zbekiston milliy terma jamoasi Toshkentda Iordaniyaga qarshi o'rtoqlik uchrashuvi o'tkazadi. Ushbu o'yin 10 noyabr kuni, “Paxtakor” stadionida bo'lib o'tadi. Uchrashuv 17:00da boshlanadi.

Samvel Babayan boshchiligidagi milliy terma jamoa murabbiylar shtabi Iordaniya va Janubiy Koreyaga qarshi o'rtoqlik uchrashuvlari uchun quyidagi futbolchilarni tarkibga jalb etgan:

Darvozabonlar: Aleksandr Lobanov (“Paxtakor), Ignatiy Nesterov (“Lokomotiv”), Eldor Suyunov (“Nasaf”)

Himoyachilar: Egor Krimec (“Beyjin Goan” – Xitoy), Anzur Ismoilov (CHangchun Yatay – Xitoy), Islom To'xtaxo'jaev (“Lokomotiv”), Vitaliy Denisov (“Lokomotiv” -  Rossiya), Davron Xoshimov (“Paxtakor”), Stanislav Andreev (“Paxtakor”), Otabek SHukurov (“Bunyodkor”).

Yarim himoyachilar: Odil Ahmedov (“Krasnodar” – Rossiya), Aziz Haydarov (“Ash-SHabob” – BAA), Javohir Sohibov (“Paxtakor”), Salamat Qutiboev (“Buxoro”), Odil Hamrobekov (“Nasaf”), Vadim Afonin (“Orenburg” – Rossiya), Sardor Rashidov (“Al-Jaish” - Qatar), Jaloliddin Masharipov (“Paxtakor”), Eldor SHomurodov (“Bunyodkor”), Server Jeparov (“Lokomotiv”), Jamshid Iskanderov (“Paxtakor”), Marat Bikmaev (“Lokomotiv”).

Hujumchilar: Igor Sergeev (“Beyjin Goan” – Xitoy), Aleksandr Geynrix (“Ordabasi” – Qozog'iston).

Takidlash kerakki, Oston O'runov hamda Jasurbek Yaxshiboev milliy terma jamoaga yosh futbolchilarni tayyorlash dasturi doirasida bosh jamoa bilan birga mashg'ulotlarda ishtirok etish uchun taklif qilindi.