Samvel Babayan: "Ikkinchi gol o'yin taqdirini amalda hal qildi"

"G'alabadan xursandman. Yigitlarning harakatlaridan quvondim. Himoyada ham, hujumda ham yaxshi o'ynadik. Oldimizga qo'yilgan barcha vazifalarni bajardik".

"Ikkinchi gol o'yin taqdirini amalda hal qildi deb o'ylayman. Ushbu goldan so'ng yigitlar ancha erkin o'ynashga harakat qilishdi. Tomoshabinlarga ham bugungi bahs yoqdi deb o'ylayman. Ikkinchi gol hal qiluvchi rol o'ynadi".

"Paxtakor"ga qarshi liga autsayderi "Andijon" ham, beshinchi o'rindagi "Mashal" ham bor kuchi bilan o'ynaydi. Ularning qay biri kuchli ekanini ayta olmayman, bizga qarshi barcha jamoa bor kuchi bilan harakat qiladi.

Qishda aytgandim, "Mashal"ning tizimi "Paxtakor"ga o'xshashib ketadi. Ular ham akademiyaga etibor qaratishmoqda. Yoshlar bilan ishlashmoqda. Xomyakov yosh futbolchilarni o'yinlarga munosib tarzda tayyorlay olmoqda. Bejizga muborakliklar beshinchi o'rinda ketishmayapti", - deydi Babayan.