Samvel Babayan: "Haqli g'alabaga erishdik"

Oliy Ligada oson o'yinning o'zi yo'q. Bugun kichik hisobda g'alaba bo'lsada, yigitlar xarakter ko'rsata olishdi. Ruhiy jihatdan og'ir uchrashuv bo'ldi. Eng asosiysi haqli g'alabaga erishib maqsad sari navbatdagi qadamni tashladik.

- Gol muallifi Igor Sergeev boshidan jarohat olib o'ynadi. Uning holati qanday?
- Ochig'ini aytsam, menda shunday taasurotki, xuddiki o'yindan oldin Dinamo futbolchilariga Paxtakor o'yinchilariga jarohat etkazish ko'rsatmasi berilgandek. Sergeev va Stanislav Andeevlar boshlaridan jarohat olib, o'ynashdi. Tushunaman, o'yin asabiy ruhda o'tdi, yakkakurashlar juda ko'p bo'ldi, ammo malum chegaradan chiqmaslik lozim. Hech qisi yo'q, yigitlar jiddiy jarohat olishmagan.